Tsing'ano 19:23 - KITABU KITAKATIFU

²³ Litia Yahova li henzanga ku livamwoyo; Na uyu u veye nalyo a la va nekilema mwoyo Ubudamano si bu la duka kuye mba.

Tsing'ano 19:23 ပူးပေါင်းရင်းမြစ်များ

Zaburi 103:17

Na ha zana si ha li ki manya kandi mba. Navutswa tsimbabasi tsya Yahova kutwula mihiga nemihiga kuduka mihiga nemihiga tsi veye ku yavo ava mu tidzanga, Na ubulungi bwibwe bu veye ku avana va avana vavo;

Zaburi 19:9

Litibwa lya Yahova li veye lilahi li hindiranga mihiga nemihiga: ga Yahova ga veye geligali, ga veye malungi gosi.

Zaburi 25:13

Mwoyo gwigwe gu la menya mu busosi; Na visukululwi vivye vi la nyola miyandu gyekivala.

Zaburi 85:9

Ligali ubuhonyi bwibwe bu veye himbi kuvo ava mu tidzanga, Ubukumi bu duke kumenya mu kivala kyetu.

Zaburi 90:14

Mugamba u kwigutidze tsimbabasi tsyobuyanzi tsitsyo, Ku duke kuyanza nokusangala madiku getu gosi.

Zaburi 91:10

Ubudamano si bu la gwa ku ivemba, Kandi iplegi si i liiunda himbi ku lihema lilyo mba.

Zaburi 91:16

Nda mwigutidza nobutambi bwamadiku manyingi, Na nda mu mannya ubuhonnyi bwange.

Tsing'ano 10:27

Litia lya Yahova li meda madiku; Navutswa mihiga gya avadamano gyi la gehidzwa.

Tsing'ano 11:19

Uyu u dinyahga mbulungi a la duka ku livamwoyo; Na uyu u londanga ubukyamu, yehila mu likudza mwene.

Tsing'ano 12:21

Avalungi si va la nyola kivi kali hakuzuzu: Navutswa avadamano va lizula ubudamano.

Tsing'ano 19:22

Kya kola mundu kuyanzwa ki veye tsimbabasi tsitsye; Na mudaka a veye mulahi kuvita mubehi.

Tsing'ano 22:4

Madanyi gelyegehidza nokutia Yahova Ga veye ubutugi, na lidzominywa, na livamwoyo.

Tsing'ano 3:24

Lwa u gona, si U la tia mba: Yee, u la gona, na tsindolo tsi la va tsinolu.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 5:6

Va veye nobugasu ava veye nenzala nobuluhu bwobulungi: kigira va ligutidzwa.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.

2 Timoteo 4:18

Mwami ya mbonnya mu miyinzi gyosi midamano, nokuninda kuduka mu bwami bwibwe bwomigulu: wo bukumi bu veye kuye mihiga nemihiga. Amini.