Tsing'ano 19:12 - KITABU KITAKATIFU

¹² Ubutima bwomwami bu veye kuli lifwuma lyeking'ang'a; Navutswa tsimbabasi tsitsye tsi veye kuli lime ku ubulimu

Tsing'ano 19:12 ပူးပေါင်းရင်းမြစ်များ

Litanga 27:28

Kandi Nyasaye a ku he vyelime lyomigulu, Na vyobunulu bwelirova Nobunyingi bwobuswage, newaini indoto:

2 Samweli 23:4

A la ra kuli ubulavu bwomugamba, lwa liuva li tonganga, Mugamba gu ta li namalesi, Lwa bunyasi budoto bu sebukanga mu kivala, Ku ling'ereng'ana lyabwo inyima yembula.

Esther 1:12

Navutswa Vashti mu kali womwami ya sula kuudza ku lilaga lyomwami lya valindi venyu mba va leta: kigira yaga mwami ya vihirirwa ligali, na ubutima bwaaka muye.

Esther 7:8

Ma mwami yirana kutwula mmulimi gwenyumba yomwami nokwingira ha lilia lyewaini; na Haman ya li kugwa ku kyokwesedema kya Esther yikala ku. Na mwami ya vola, Yenya ku niga mukali womwami imbiri wange mu inyumba? Nonoho lwa likuva yili lya twula mmunwa gwomwami, va kunika mumoni mwa Haman.

Zaburi 133:3

Kuli lime lya Herimon, Likanga ku vigulu vya Zioni: Kigira niho ha Yahova ya laga ubugasu bwibwe, Kali livamwoyo lyemihiga nemihiga

Zaburi 72:6

A lika ku lirova kuli imbula i kupanga ku ubulimu bu kalageywi, Kuli imbula yamadzi mavovo ku lirova.

Tsing'ano 20:2

Litibwa lyomwami li veye kuli lifwuma lyeking'ang'a: Uyu u vukidza ubutima bwibwe a kolera livamwoyo lilye ubwoni.

Tsing'ano 28:15

Kuli liva lyeking'ang'a ki fwuma nga, na iduba i gendagenda; Ni ndiyo mudamano wamehanga ku avandu avadaka.

Kohelethu 8:4

Kigira likuva lyomwami li veye netsingulu; ni bwaha u nyala kumuteva, U kolanga ki?

Isaya 18:4

Kigira Yahova ya mbolera likuva yili, Nda kiring'ana, na nda lola mu hokumenya hange, kuli masalira mu mbasu, kuli lilesi lyelime inyinga yeligesa.

Danyeli 5:19

na kigira ubunene bwa ya mu ha, avandu vetsihiri tsyosi, na vetsimpya tsyosi, navetsinimi tsyosi, va degera nokutia imbiri wewe: wa ya yanza kwiita, yiita, na wa ya yanza kuva mwoyo, ya mu leka mwoyo; na wa yenya kunenehidza, ya nenehidza, na wa yenya kugehidza, ya mu gehidza.

Danyeli 6:24

Kunangwa mwami ya haana munwa, ni va leta avandu yavo, ava yala Danyeli, na va va ta mu luhangaywa lweving'ang'a, avene, na avana vavo, na avakali vavo; na ving'ang'a vya va guuta, ni vi vunannya vigumba vyavo vyosi, ni va kikiri kuduka hasi mu luhangaywa.

Hosea 14:5

Nda va kuli lime ku Israeli; a la lavidza vimuli kuli vimuli vyelidanya, nokulandidza imiri gyigye kuli Le banon.

Mika 5:7

Na avatigala va Yakobo va la va hagati ha avandu vanyingi kuli lime li twulanga ku Yahova, kuli lunyirira ku bunyasi, vi ta lindiriranga umundu, kinga kulindirira avana vavandu.

Kwidzulitsa 33:28

Israeli va menyanga bulahi, Kisinukiru kya mazdzi kya Yakobo ki veye kiderwa, Mu kivala kyobuswage newaini ihya; Yee, ligulu lilye li tonyatonyanga lime.