Tsing'ano 18:15 - KITABU KITAKATIFU

¹⁵ Mwoyo gwowobugeeri gu nyolanga limanya; Na ugutu gwa uyu mugeeri gwenyanga limanya.

Tsing'ano 18:15 ပူးပေါင်းရင်းမြစ်များ

1 Avami 3:9

Kigira yaga u he mutumekiri wowo mwoyo gwelimanya nduke kukalagira avandu vovo, nduke kumanya hagati hobu lahi nobudamano; kigira ni bwaha u nyala kukalagira avandu vovo ava nene.

Ayubu 8:10

Yavo si va la kwegidza, nokukulungikidza, Nokuvola makuva ga twulanga mu mwoyo gwavo?

Tsing'ano 1:5

Mundu wobugeeri a hulire, nokumeda limanya; Na mundu welimanya a duke kumanyeridza makuva madukanu:

Tsing'ano 10:14

Avageeri va vikanga akiba yelimanya; Navutswa munwa gwomusiru gu veye ubudivi bwa kalunu.

Tsing'ano 15:14

Mwoyo gwa uyu u veye nobugeeri gwenyanga limanya; Navutswa munwa gwavasiru gu litsanga ubusiru.

Tsing'ano 15:31

Ugutu gu huliranga lihebwa amageli gelivamwoyo Gu la menya hagati havageeri.

Tsing'ano 23:23

U gule ageligali, u ta ga gulidza mba; Yee, kali ubugeeri, na lyegidzwa, na limanya.

Tsing'ano 4:5

Wenyolere ubugeeri, wenyolere limanya; U tivirira, kandi u ta girunkana kutwula ku makuva gomunwa gwange;

Tsing'ano 4:7

Ubugeeri bu veye kindu kinene kuvita vyosi; kunangwa wenyolere ubugeeri; Yee, halala na linyola lilyo lyosi, wenyolere limanya.

Tsing'ano 9:9

Wegidze wobugeeri, naye a la meda ubugeeri: Wegidze mulungi, naye a la meda lyega.

Luka 10:39

Kandi ya li namwavo wa langwa Maria ya li ni yikaye ha virenge vyo Mwami, na a hulira likuva lilye.

Vafeso 1:17

Nyasaye wo Mwami wetu Yesu Kristo u veye Dada wobukumi, a he mwinye roho gwobugeeri nogwelivuula lyokumumanya;

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.