Tsing'ano 18:10 - KITABU KITAKATIFU

¹⁰ Lieta lya Yahova li veye impinga yetsingulu; Mulungi yirukira muyo ma a hona.

Tsing'ano 18:10 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 32:11

U mbonnye, nku saala, ku mukono gwa amwavo wange, ku mukono gwa Esau: kigira mmu tia, gase a ladza nokuduya inze, na mama halala na avana.

2 Samweli 22:2

na a vola, Yahova a veye lwanda lwange, nolugaga lwange, nomuhonnyi wange, wange ligali.

2 Samweli 22:3

Nyasaye, lwanda lwange, ndi visa muye; Ingavo yange, nolwiga lwange lwobuhonnyi, nomunara gwange, na hokwivisa hange; A veye muhonnyi wange, u mbonnyi ku kirage.

2 Samweli 22:51

A hedzanga mwami wewe ubuhonnyi ubunene, Nokumannya mbake wewe tsimbabasi tsyobuyanzi, Ku Daudi nokuvisukululwi vivye kuduka mihiga nemihiga.

Zaburi 144:2

Wetsimbabasi tsyange, na lugaga lwange, Na munara mutambi gwange, na muhonnyi wange; Na ingavo yange, na uyu wa nzirukira kuye; Niye wa mbika igulu ku avandu vange.

Zaburi 18:2

Yahova a veye lwanda lwange, na lugaga lwange, na muhonyi wange; Nyasaye wange, lwanda lwange, uyu wa nzlvisa mu; Ingavo yange, na ulwiga lwobu honyi bwange, na munara gwange.

Zaburi 20:2

A tume likonya ku ive kutwula hatakatifu Kandi a ku he tsingulu kutwula Zioni;

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 91:14

Kigira u viki ubuyanzi bwibwe ku inze, kunangwa nda mu honnya: Nda mu vika higulu kigira a manyi lieta lyange.

Zaburi 91:2

Nda vola ku Yahova, A veye kyokwivisa mu kyange na lugaga lwange; Nyasaye wange, wa nsuuvira kuye.

Kutwula 6:3

na nda loieka ku Abrahamu, ku Isaka, na ku Yakobo, na lieta Nyasaye Wanyala Vyosi; navutswa ku lieta lyange, Yahova, si nda manyekana kuvo.

Tsing'ano 14:26

Mu litia Yahova mu veye neliluviridzwa Na avana veve va la va nahokwivisa.

Tsing'ano 29:25

Litia mundu li letanga mutego; Navutswa ku vosi u suuvira Yahova a veye nemirembe.

Isaya 26:4

Mu suuvire Yahova madiku gosi; kigira mu Mwami Yahova, Yahova mwene, mu veye nolwanda lwokumenya mihiga nemihiga.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Habakuk 3:19

Yahova, Mwami, a veye tsingulu tsyange; A kola virenge vyange kuva kuli Direnye vyemboongo, Na a la ng'endidzira virenge vyange mu hadiguluku.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

1 Samweli 17:45

Hene yaho Daudi ya volera Mufilisiti, Ive udzanga ku inze nekivavi, nelitimu, nengavo: navutswa inze ntsitsanga ku ive mu lieta lya Yahova wa mahe, Nyasaye uyu wa mahe ga Israeli, wa u legi.

1 Samweli 30:6

Na Daudi ya dambidzwa ligali; kigira avandu va vola, A laswe magina, kigira myoyo gyavandu vosi gya vereridzwa, sa mulala kigira avana vayai na vakana vavo: navutswa Daudi yeluviridza mwene mu Yahova Nyasaye wewe.