Tsing'ano 17:3 - KITABU KITAKATIFU

³ Ludavo lu veye lwefetha, na mahiga gethahabu; Navutswa Yahova a geridzangamyoyo.

Tsing'ano 17:3 ပူးပေါင်းရင်းမြစ်များ

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

Ayubu 23:10

Navutswa a manya inzira ya ntsitsa ku; Na a mali kungeridza nda twula kuli ithahabu.

Ayubu 28:1

Ligali bu veye ho bogo bwefetha, Nobugono bwethahabu ya va siya isiyeveywi.

Zaburi 139:23

U nzidere, O Nyasaye, u manye mwoyo gwange: U ngeridze, u manye tsiganagani tsyange;

Zaburi 26:2

U nzidere, O Yahova, na u ngeridze; U henzeridze mwoyo gwange na tsiganagani tsyange.

Zaburi 66:10

Kigira ive, O Nyasaye, u ku geridzi: U kumanyeridzi kuli ifetha i manyeridzangwa.

Tsing'ano 15:11

Kihadisi na ubwoneku vi veye imbiri wa Yahova: Nasindi myoyo gyavana va avandu

Tsing'ano 16:2

Tsinzira tsyosi tsyomundu tsi veye tsindahi imbiri wetsimoni tsitsye mwene; Navutswa Yahova a geranga myoyo ku tsiratili.

Tsing'ano 17:2

Mutumekiri u kolanga nobugeeri a lameha ku mwana wetsisoni, Na a la va nekidieli mu miyandu hagati ha avamwavo.

Tsing'ano 21:2

Tsinzira tsyosi tsyomundu tsi veye tsindahi mu tsimoni tsitsye mwene; Navutswa Yahova a geranga myoyo ku iratili.

Tsing'ano 27:21

Ludavo lu veye lwefetha, na mahiga gethahabu; Na mundu a geridzwa nelidzominywa lilye.

Isaya 48:10

Henza, mmali kukusiyira mmuliru, navutswa si ga veye kuli ifetha isiyangwa; nku tovoye mu kisambiru kye kivi.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Ezekieli 22:18

Ive mwana womundu, inyumba ya Israeli i gwiye amandu ku inze: vosi va gwiye mugasa nelibang'a nekivya nelisasi, hagati hekisambiru; va gwiye amandu gefetha.

Danyeli 11:35

Kandi avaku avobugeeri va la gwa, va duke kutakaswa, nokulavidzwa, nokukolwa avanifu, kali kuduka ku inyinga yekiheri; kigira yaga ga veye genyinga i lageywi.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Kwidzulitsa 8:16

wa ku lageridza maana mu kyangalangwi, ya vaguga venyu va vula kumanya; a duke kukugehidza, a duke kukugeridza, a duke kukukolera bulahi mu kiheri kikyo:

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.