Tsing'ano 17:21 - KITABU KITAKATIFU

²¹ Uyu wivulanga musiru a veye ku buvereri bwibwe mwene; Na dada womusiru si a veye nobusangali mba.

Tsing'ano 17:21 ပူးပေါင်းရင်းမြစ်များ

Litanga 26:34

Na Esau lwa ya duka mihiga makumi gane ya leta Judith mukana wa Beeri Muhiti, kuva mukali wewe, kandi Basemathu mukana wa Elon Muhiti.

2 Samweli 18:33

Nomwami yegosa ligali, na a nina igulu mu inyumba i veye igulu wekiribwa na a lira: naye lwa ya li na a tsitsanga ya vola makuva yaga, O mwana wange Abisalom, mwana wange, mwana wange Abisalom ngano ninze wa kudza mbugono bubwo, O Abisalom, mwana wange, mwana wange.

Tsing'ano 10:1

Tsing'ano tsya Solomoni. Mwana wobugeeri a kolanga dada wewe kuva nobuyanzi; Navutswa mwana wobusiru a veye ubuliduhu ku mama wewe.

Tsing'ano 15:20

Mwana wobugeeri a kolanga dada wobusangali; Navutswa mundu musiru a leganga mama wewe.

Tsing'ano 17:25

Mwana musiru a veye liverera ku dada wewe Nobululu ku uyu wa mwivula.

Tsing'ano 19:13

Mwana musiru a veye ubudivi ku dada wewe; Na lihing'ana lyomukali li veye kuli litonyatonya lya kazozo.

2 Vakorintho 2:3

Kandi nda ng'oda yaga, ni mba ni ntsitsa nta va neliverera ku yava ava ga ndukira kusangala kuvo; mbeye nelisuuvira ku mwinye mwosi, ubuyanzi bwange bu veye ubuyanzi bwenyu mwosi.

3 Yohana 1:4

Si mbeye nobuyanzi bu vita yibu kuhulira amakuva ga vana vange va gendanga mu ageligali.

1 Samweli 8:3

Navana veve va vula kugenda mu tsinzira tsitsye, navutswa va tsia haluvega kulonda ubutugi, na va vugula vikukula, nokukyaminya likalaga.