Tsing'ano 17:17 - KITABU KITAKATIFU

¹⁷ Mulina a yanzanga madiku gosi; Na amwavo wivuleywi kukonya mu kivi.

Tsing'ano 17:17 ပူးပေါင်းရင်းမြစ်များ

2 Samweli 1:26

Inze mbeye nobuvereri bunene kigira ive, Jonathan amitu wange: Ive wa nyanzidza ligali: Ubuyanzi bubwo bwa wa li bwokugenya, Bwa vita ubuyanzi bwa vakali va yanzanga.

2 Samweli 15:21

Na Itai ya tivulira mwami, na a vola, Kuli Yahova a veye mwoyo, kandi kuli munene wange mwami a veye mwoyo, ligali ha munene wange mwami a va, ni ha va ni ha veye likudza, kinga lihindira, ha zana inze mutumekiri wowo nda va ho.

Esther 4:14

Kigira nu u va nu u kiring'ana ligali ku inyinga yiyi, hene yaho Avayuda va la nyola ubwiyangu no ubukonyi bu twula ahandi, navutswa ive navenyumba ya vadada vovo mu la diva: kandi ibwaha u manya ive u vuli kuduka ku bwami kigira inyinga kuli yiyi?

Tsing'ano 16:28

Mundu mukyamu a landidzanga lihing'ana; Kandi welimonya yavukannyanga avalina veligali.

Tsing'ano 18:24

Uyu welomberanga avalina vanyingi a kola ku budivi bwibwe mwene; Navutswa a veye ho mulina u hambana kuvita amwavo.

Tsing'ano 19:13

Mwana musiru a veye ubudivi ku dada wewe; Na lihing'ana lyomukali li veye kuli litonyatonya lya kazozo.

Tsing'ano 19:7

Avamwavo vosi vomudaka va mu dunyira: Nasindi avalina veve va la kira kutwula kuye. A va londanga namakuva, navutswa va mali kutsia.

Vahebraina 2:11

Kigira uyu u takasanga kandi yava ava takasangwa va twula mu mulala: kigira yaga si a la v a isoni kuvalanga avamitu,

Ruth 1:16

Na Ruth ya vola, U ta niga nku leke ive, nokwirana mbule kukulonda: kigira ha u tsitsanga, inze kandi nda tsia ho, ha u menya, inze nda menya ho; avandu vovo va la va avandu vange, na Nyasaye wowo a la va Nyasaye wange:

1 Samweli 18:3

Hene yaho Jonathan na Daudi va lomba lilagana, kigira ya mu yanza kuli yeyanza mwene.

1 Samweli 19:2

Ma Jonathan ya volera Daudi, na a vola, Dada wange Saulo yenyanga kukwiita: kalunu, mwadza, welinde ligali mugamba, u menye hokwivisa, wivise:

1 Samweli 19:3

na inze nda tsia kyova kusingira himbi nadada wange mu mulimi ha u veye, na nda volerana na dada wange ku makuva gogo; ni mba ni ndola kindu ku vyosi, nda ku volera.

1 Samweli 20:17

Na Jonathan yesuhidza Daudi hali kaviri, kigira ubuyanzi bwa ya mu yanza; kigira ya mu yanza kuli yeyanza mwene.

1 Samweli 23:16

Na Jonathan, mwana wa Saulo, ya singira, na a tsia ku Daudi mu mulitu, na a vika tsingulu mmukono gwigwe ku Nyasaye.