Tsing'ano 16:22 - KITABU KITAKATIFU

²² Limanya li veye kidaho kyelivamwoyo ku uyu u veye nalyo; Navutswa lihebwa amageli ku avasiru li veye ubusiru bwavo.

Tsing'ano 16:22 ပူးပေါင်းရင်းမြစ်များ

Tsing'ano 10:11

Munwa gwomulungi gu veye kisenukiru kya amadzi gelivamwoyo Navutswa kirage ki kunikanga munwa gwomudamano.

Tsing'ano 13:14

Lilaga lyavobugeeri li veye kisenukiru kyelivamwoyo, Mundu a duke kutwula ku mitego gyelikudza.

Tsing'ano 14:27

Litia Yahova li veye kisenukiru kyamadzi gelivamwoyo, Mundu a nyale kutwula mu mitego gyelikudza.

Tsing'ano 15:2

Ululimi lwomugeeri lu volanga limanya lilungi; Navutswa munwa gwomusiru gu sundulanga ubusiru.

Tsing'ano 15:28

Mwoyo gwomulungi gu ganagananga agokutivula; Navutswa mwoyo gwomudamano gu sundulanga vindu vidamano.

Tsing'ano 16:21

Avageeri mu mwoyo va la langwa avelimanya; Na ubunolu bweminwa bu medanga lyegidzwa.

Tsing'ano 16:23

Mwoyo gwomugeeri gwegidzanga munwa gwigwe, Nokumeda amegidzo mu minwa gyigye.

Tsing'ano 18:4

Makuva gomunwa gwomundu ga veye kuli amadzi goluliva; Kisenukiru kyobugeeri ki veye kuli mugera gu gendanga.

Tsing'ano 18:7

Munwa gwomusiru gu veye lidiva lilye, Na minwa gyigye gyi veye mitego gyomwoyo gwigwe.

Tsing'ano 3:22

Nivyo vi la va livamwoyo lyomwoyo gugwo, Nobulahi mwigoti mumwo.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Yohana 6:63

Ni roho gu haana livamwoyo; inyama yomubiri si i konya kindu: amakuva ga mmu voleye ga veye roho, kandi livamwoyo.

Yohana 6:68

Simoni Petro ya mu tivulira, Mwami, ku tsia ku bwaha? Ive u veye namakuva gelivamwoyo li ta hera mba.