Tsing'ano 15:3 - KITABU KITAKATIFU

³ Tsimoni tsya Yahova tsi veye hosi, A lolanga madamano na malahi.

Tsing'ano 15:3 ပူးပေါင်းရင်းမြစ်များ

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

Ayubu 24:23

Nyasaye a haana kuvo kuva mu mirembe na va sosanga mugyo; Netsimoni tsitsye tsi veye igulu wetsinzira tsyavo.

Ayubu 28:24

Kigira uyu a henzanga kali ku tsindulu tsyelirova, Nokulola isi weligulu lyosi;

Ayubu 31:4

Si a lolanga tsinzira tsyange, Nokuvalidza tsinduvatiru tsyange tsyosi?

Zaburi 33:13

Yahova a henza kutwula migulu; A lolanga avana vosi va avandu;

Tsing'ano 15:4

Ululimi luhooma lu veye musala gwelivamwoyo; Navutswa ubukyamu mulwo bu veye ubwoneku bwomwoyo.

Tsing'ano 5:21

Kigira tsinzira tsyomundu tsi veye imbiri wetsimoni tsya Yahova; Naye a lungikidza tsinzira tsitsye tsyosi.

Jeremia 16:17

Kigira tsimoni tsyange tsi lolanga tsinzira tsyavo tsyosi; si va visika mmoni mwange, kandi ubudamano bwavo si bu la visika imbiri wetsimoni tsyange.

Jeremia 23:24

Ku vosi mundu a nyahl kwivisa mbwivisi mbula kumulola? Yahova a vola. Si ndizula ligulu nelirova? Yahova a vola.

Jeremia 32:19

a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

Zekaria 4:10

Kigira ni bwaha u legi lidiku lyevindu vikekeke? Kigira va la sangala, na va la lola Zerubabeli na a veye neplum mmukono gwigwe; yivi vitano na viviri vi veye tsimoni tsya Yahova, tsi lola yiyi na yiyi mu lirova lyosi.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.