Tsing'ano 15:18 - KITABU KITAKATIFU

¹⁸ Mundu mululu a viridzanga lihing'ana; Navutswa uyu mwikudziri wobutima a gayidzanga lihing'ana.

Tsing'ano 15:18 ပူးပေါင်းရင်းမြစ်များ

2 Samweli 19:43

Navandu va Israeli va tivulira avandu va Yuda, ni va vola, Kwinye ku veye nevidieli likumi mu mwami, na ku veye neliva lyetu mu mwami kuvita mwinye: kigira ki mwinye mu leganga kwinye, kuduka likuva lyetu li vule kutanga kwenywa lyokwirannya mwami wetu? Namakuva gavandu va Yuda ga li malulu kuvita makuva gavandu va Israeli.

Tsing'ano 10:12

Ubudunyirani bu vukidza amahing'ano; Navutswa ubuyanzi bu kunikanga mahyolo gosi.

Tsing'ano 14:29

Uyu mwikudziri wobutima a veye nelimanya linene; Navutswa uyu womwoyo gwa bwangubwangu a kuminyanga ubusiru.

Tsing'ano 15:1

Litivula lyagalaha li kiring'annya ubutima; Navutswa makuva malulu ga viridzanga ubutima.

Tsing'ano 15:19

Inzira yomugata i veye kuli ulwebo lwamafwa Navutswa inzira yomulungi i kolangwa lihasi.

Tsing'ano 16:14

Ubutima bwomwami bu veye kuli avatumwa velikudza: Navutswa mundu wobugeeri a la bu hodzeridza.

Tsing'ano 16:28

Mundu mukyamu a landidzanga lihing'ana; Kandi welimonya yavukannyanga avalina veligali.

Tsing'ano 22:24

U ta kola ubulina nomundu umwangu ku ubutima; Na u ta genda halala nomundu u vihiririangwa bwangu:

Tsing'ano 25:15

Ku lyekudzira mwamehi a girunkanyanngwa, Na ululimi ludoto lu vunannya kigumba.

Tsing'ano 26:21

Kuli amanda ku amanda gaakanga, na tsinku ku muliru, Ni ndiyo a veye uyu u elihing'ana kuvukidza lihing'ana.

Tsing'ano 28:25

Uyu womwoyo gwelikayirwa, a vukidzanga lihing'ana; Navutswa uyu u suuviranga Yahova a la komeridzwa.

Tsing'ano 29:22

Mundu u vihirirangwa a vukidza nga lihing'ana, Na mundu wobutima wizuye amahyolo.

Kohelethu 10:4

Mwoyo gwomwa mehi ni gu vuka ku ive, u ta twula ha u veye; kigira mwoyo gwobuhokya gu hodziridzanga livihirirwa linene.

Matayo 5:9

Va veye nobugasu avaloombi ve mirembe kigira va la langwa avana va Nyasaye.