Tsing'ano 15:14 - KITABU KITAKATIFU

¹⁴ Mwoyo gwa uyu u veye nobugeeri gwenyanga limanya; Navutswa munwa gwavasiru gu litsanga ubusiru.

Tsing'ano 15:14 ပူးပေါင်းရင်းမြစ်များ

Zaburi 119:100

Mmanyeridza kuvita avasakulu, Kigira ngumiye megidzo gogo.

Zaburi 119:97

Nyanza lilaga lilyo kuduka kanga Mbasu bei li veye tsiganagani tsyange.

Tsing'ano 1:5

Mundu wobugeeri a hulire, nokumeda limanya; Na mundu welimanya a duke kumanyeridza makuva madukanu:

Tsing'ano 12:23

Mundu wobugeeri a visanga limanya; Navutswa mwoyo gwavasiru gu lang'aminya ubusiru.

Tsing'ano 15:15

Madiku gosi ga yavo ava dambidzangwa ga veye madamano; Navutswa uyu u veye womwoyo gwelisangala a veye nelilia kazozo.

Tsing'ano 18:15

Mwoyo gwowobugeeri gu nyolanga limanya; Na ugutu gwa uyu mugeeri gwenyanga limanya.

Tsing'ano 9:9

Wegidze wobugeeri, naye a la meda ubugeeri: Wegidze mulungi, naye a la meda lyega.

Isaya 30:10

va veye avandu ava voleranga valoli, Mu ta lola mba; na va volera avaprofeti, Mu ta profeta vindu vilahi, mu ku volere vindu vidoto, mu profete bugadi,

Isaya 44:20

Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

Hosea 12:1

Efiraim yelihidzanga imbuudza, nokulonda imbuudza yevugwe: naye kazozo a medanga makuva gobubehi na gobudivi; na a lombanga lilagana na Asuria, na maguta ga hilwa kuduka Egepeti.

Vikolwa 17:11

Yava va li kukuminywa kuvita ava Tesalonike, kigira va bugirira likuva bwangu, ni venya kazozo mu mang'oda kulola amakuva ga ve ageligali naho.

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.