Tsing'ano 14:32 - KITABU KITAKATIFU

³² Mudamano u minirangwa hasi mu likola ubudamano bwibwe; Navutswa mulungi a veye nelisuu viridzwa mu likudza lilye.

Tsing'ano 14:32 ပူးပေါင်းရင်းမြစ်များ

Litanga 49:18

Inze nindiriye ubuhonyi bwubwo, O Yahova.

Ayubu 13:15

Kali ni ya nziita, nda mu suuvira ndiyo; Halala na yaga nda lungekidza inzira yange imbiri wewe.

Ayubu 18:18

A la kungwa kutwula mbulavu a tsie mkisundi Nokukungwa a twule mu lirova.

Zaburi 16:11

U la mmannya inzira yelivamwoyo: Imbiri wa ive ha veye nobusangali budukiru; Mu mukono gugwo mulungi ha veye nobuyanzi mihiga nemihiga.

Zaburi 17:15

Na inze, nda lola mumoni mumwo mu bulungi; Ndiguta neligondo lilyo, lwa mbuka mu lifwanana lilyo.

Zaburi 23:4

Yee, ni mbe kugenda mu kivanda kyekiriri kyelikudza, Si nda tia kivi; kigira u veye ninze halala; Impimbo yoyo na lusala lulwo tsi nkiring'annya.

Zaburi 37:37

U henze ligali mundu mudukiru, u lole mulungi; Kigira kiheri kyomundu uyu ki veye mirembe.

Zaburi 58:9

Lwa vifuria vyenyu vi kikiri kuhulira uluva lwa mafwa A la ga hila nekihudzudzi, vivisi na vyumu halala.

Zaburi 73:24

Ive u la nzimirira na makuva gogo, Na lwa nyima u la nyingeridza mu bukumi.

Tsing'ano 11:5

Ubulungi bwomudukiru bu la mwimirira ku inzira yeye; Navutswa mudamano a la gwa mu ubudamano bwibwe mwene.

Tsing'ano 14:33

Ubugeeri bu menyanga mu mwoyo gwa uyu u veye nelimanya; Navutswa aga veve mu vasiru ga lang'aminyangwa havulavu.

Tsing'ano 24:16

Kigira mulungi a gwidzanga hali katano na kaviri, na a vuka kandi; Navutswa lidiva li tung'aminya avadamano.

Tsing'ano 5:22

Mudamano a la hambwa nobu damano bwibwe mwene, Na a la bofwa nemigoye gyobwoni bwibwe.

Tsing'ano 6:15

Kigira yaga kivi kikye ki la duka kuye nonoho; A la vunanywa nonoho, na si ha veye nenzira yokuhona.

Luka 2:29

Kalunu, Mwami, u he mutugwa wowo munwa a tsie, kuli likuva lilyo, nemirembe

Yohana 8:21

Ku, ya va volera kandi, Inze ntsitsa, na mwinye mu la nyenya, kandi mu la kudzera mu bwoni bwenyu: wa ntsia, mwinye si mu nyala kuduka.

Yohana 8:24

Yiki ni kigira nda mu volera, Mu la kudzera mu bwoni bwenyu: ni i va mu vula kusuuvira inze niye, mu la kudzera mu bwoni bwenyu.

Varumi 9:22

Ki la va ki, ni i va Nyasaye yikudzira nobwikudziri bunyingi ku viju vyobutima vya tegekirwa ubwoneku, kigira yenya kulang'aminya ubutima bwibwe, nokumannya tsingulu tsitsye:

2 Vakorintho 1:9

Yee, kwinye avene kwa li nelikalagirwa lyelikudza mu myoyo gyetu, ku tesuuvira kwinye avene, navutswa ku suuvire Nyasaye u simugukidzanga avakudzu:

2 Vakorintho 5:8

mbola ku veye nekilema mwoyo, kandi ku yanza ligali ku vuli kuva mu mubiri, ku ve hango halala no Mwami.

Vafilipi 1:21

Kigira ku inze livamwoyo ni Kristo, nelikudza li veye kyambeti.

Vafilipi 1:23

Mbeye hagati ha gaviri, nkayirwa kutsia nduke kuva halala na Kristo; kigira yili ni lilahi kuvita:

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

2 Timoteo 4:18

Mwami ya mbonnya mu miyinzi gyosi midamano, nokuninda kuduka mu bwami bwibwe bwomigulu: wo bukumi bu veye kuye mihiga nemihiga. Amini.

Likunula 14:13

Kandi nda hulira mwoyo gwa twula migulu, gu vola, U ng'ode, Va veye nobugasu avakudzu ava kudziranga mu Mwami kutwula kalunu: yee, Roho a volanga, va duke kusosa kutwula mu miyinzi gyavo; kigira miyinzi gyavo gyi londekana navo.