Tsing'ano 14:28 - KITABU KITAKATIFU

²⁸ Ubukumi bwomwami bu veye mu bunyingi bwavandu veve; Navutswa lidiva lyomunene li veye mu ligeha lyavandu.

Tsing'ano 14:28 ပူးပေါင်းရင်းမြစ်များ

2 Samweli 19:7

Kunangwa kalunu u singire, u twule, kuvolera vatumekiri vovo makuva kuvaleminya mwoyo; kigira inze nzisuha ku Yahova, ive nu u va nu u vula kutwula si a la tigala mundu kali mulala haiala nive ubudiku bwa lero yibu: nenkuva yiyi i la va indamano ku ive kuvita budamano bwosi bwa ku gwira kutwula bwana bubwo kuduka lero.

2 Samweli 24:3

Na Joabu ya volera mwami, Yahova Nyasaye wowo a mede avandu, kuli livalidzwa lyavo li veye, hali mia; netsimoni tsyomunene wange mwami tsi lole inkuva yiyi: navutswa munene wange mwami, kigira ki u yanza inkuva yiyi?

1 Avami 20:27

Na vana va Israeli navo va vungidzwa, na va hebwa vyokulia, ni va tsia kulwana navo: na avana va Israeli va lomba hokusosa havo imbiri wavo va fwanana nevyayo viviri vikekeke vyevimeme; navutswa Avasiria vidzula kivala.

2 Avami 13:7

Kigira si ya lekera Jeho ahazu avandu, ni va ta li yavo ava nina ku tsiparasi avandu makumi gatano, na magari likumi, navasikari va genda nevirenge tsielfu likumi; kigira mwami wa Siria ya va dividza, nokuvakola va ve kuli lugukyi mu lihuula lyobuswage.

Kutwula 1:12

Navutswa kuli va meda lidambidza kuvo, na ndiyo kandi va kira kumedeka, nokulanda. Na va vihirirwa kigira avana va Israeli

Kutwula 1:22

Na Farao ya laga avandu veve, na a vola, Avana avayai vosi avivulwa mu va te mu mugera, na avana avakana vosi mu la va linda kuva mwoyo.

Tsing'ano 14:27

Litia Yahova li veye kisenukiru kyamadzi gelivamwoyo, Mundu a nyale kutwula mu mitego gyelikudza.

Tsing'ano 14:29

Uyu mwikudziri wobutima a veye nelimanya linene; Navutswa uyu womwoyo gwa bwangubwangu a kuminyanga ubusiru.

Jeremia 13:20

Mu ginge tsimoni, mu henze avatwulanga kasikasini; kyayo kikyo kya wa hebwa ki veye haliha, kyayo kikyo kilahi?