Tsing'ano 14:21 - KITABU KITAKATIFU

²¹ Uyu u leganga mutende wewe a kolanga ubwoni; Navutswa uyu u verereranga avadaka, a veye nobuyanzi.

Tsing'ano 14:21 ပူးပေါင်းရင်းမြစ်များ

Zaburi 112:5

A veye nobulahi mundu u kolanga tsimbabasi nokuhaana kivete; A la nyola ubulahi ku makuva gege mu likalaga.

Zaburi 112:9

A sugeridzi, na a haani ku avadaka; Ubulungi bwibwe bu hindiranga mihiga nemihiga: Ulwiga lwilwe lu la nenehidzwa nobukumi.

Zaburi 22:24

Kigira si ya lega kandi si ya dunyira lisaliridzwa lya va saliridzwa; Kandi si a visi mumoni mwimwe kuye; Navutswa lwa yanira kuye, ya mu hulira.

Tsing'ano 11:12

Uyu u leganga wakye, si a veye nobugeeri; Navutswa mundu welimanya a kiring'ana.

Tsing'ano 14:31

Uyu u dambidzanga avadaka a leganga Mulombi wewe; Navutswa uyu u verereranga ava dambi yidzominyanga Mulombi wewe.

Tsing'ano 17:5

Ku vosi u kolera mudaka kihenyahenye a leganga Mulombi wewe; Na uyu u sangalira budivi si a la vula kukalagirwa.

Tsing'ano 18:3

Lwa mudamano yadzanga, kandi lilega lidza Na halala netsisoni lilegwa lidza.

Tsing'ano 19:17

Uyu u verereranga avadaka a hambidza Yahova kivete, Na likola lilye lilahi a la mu tunga kandi.

Tsing'ano 21:10

Mwoyo gwomudamano gwenya nga ubudamano: Mutende wewe si a veye mulahi mu tsimoni tsitsye.

Tsing'ano 22:9

Uyu u veye nemoni yobuhaani a la gasidzwa; Kigira a haaniranga avadaka ubukima bwibwe

Tsing'ano 28:27

Uyu u haananga ku avadaka si a la gehera kindu; Navutswa u visanga tsimoni tsitsye a la va nevilaamo vinyingi.

Tsing'ano 28:8

Uyu u medznga ubutugi bwibwe ku vyambeti na limedeka li ta li lilungi, A bu vungidzanga bu ve bwa uyu u verereranga avadaka.

Danyeli 4:27

Kunangwa, kigira yaga, O mwami, amakuva gange ga bugirike ku ive, u leke ubwoni bubwo mu likola bulungi, na ubudamano bubwo mu livera avadaka tsimbabasi; mbula ubuIahi bubwo bu la medeka.

Luka 18:9

Kandi ya kupira valala avisuuvira ku veye nobulungi ni va lega avandi, lugano yilu:

Vikolwa 20:35

Inze mmali kumugerera ku vindu vyosi, nu bulahi mu didikane ndi mu konye avadekerana, nokwidzulitsa amakuva go Mwami Yesu kuli ya vola, Lihaana li veye nobugasu kuvita livugula.

Kwidzulitsa 15:9

Welinde na u vule kuva netsiganagani tsindamano mmwoyo gugwo, ku livola, Gu ve himbi muhiga gwe gyitano na gyiviri, muhiga gweliboholola; ma imoni yoy o i ve indamano ku amwavo w owo mudaka, u vule kumuha kindu; na a la lira ku Yahova kigira ive, na bu la va ubwoni ku ive.

Vahebraina 6:12

mu ta va avagata, navutswa mu ue avegi ku yavo ava lia miyandu gyelisuuviridzwa kigira lisuuvira nobwikudziri.