Tsing'ano 14:2 - KITABU KITAKATIFU

² Uyu u gendanga mu bulungi bwibwe a tidzanga Yahova; Navutswa u veye mukyamu mu tsinzira tsitsye a mu leganga.

Tsing'ano 14:2 ပူးပေါင်းရင်းမြစ်များ

2 Samweli 12:9

Kigira ki ive u legi likuva lya Yahova, nokukola agobudamano imbiri wewe? Ive u kuye Uria Muhiti nekivavi, na u vuguye mukali wewe kuva mukali wowo, na u mwiiti nekivavi kyavana va Amon

1 Avami 3:6

Na Solomoni ya tivula, na a vola, Ive wa kolera Daudi dada wange, mutumekiri wowo, ubulahi bunyingi, kuli ya genda imbiri wowo mu geligali, nombulungi, nomubulahi bwomwoyo halala nive; na ive wa mu vikira ubulahi yibu bunyingi, kigira wa mu ha mwana kwikala ku intebe yeye yobwami, kuli ga veye lero.

2 Avami 17:34

Kuduka lero va kolanga kuli miima gyoku matsyambiri: si va tia Yahova mba, kandi si va kola kuli miima gyavo, kinga kuli likalaga lyavo, kinga kuli malago, kinga kuli lilaga lya Yahova ya laga avana va Yakobo, wa ya gulika Israeli;

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Ayubu 12:4

Inze mbeye-mulala u veye kyokusekwa ku vakye, Mbeye mund u wanira Nyasaye, naye ya mu tivulira: Mulungi, mundu mudukiru, u gwiye kyokusekwa.

Ayubu 28:28

Na ya volera mundu makuva yaga, Henza, kutia Yahova, nibwo ubugeeri; Nokutwula ku budamano nilyo limanya.

Zaburi 112:1

Mwidzominye Yahova. A veye nobugasu mundu u tidzanga Yahova, Wokusangala ligali ku malago gege.

Zaburi 25:21

Ubudukiru na ubulungi bu ndende, Kigira nindirira ive.

Tsing'ano 11:12

Uyu u leganga wakye, si a veye nobugeeri; Navutswa mundu welimanya a kiring'ana.

Tsing'ano 16:17

Lihasi lyavalungi li veye kwavukana nobudamano: Uyu u lindanga inzira yeye yelindanga mwene.

Tsing'ano 16:6

Ubudamano bwogidzangwa netsi mbabasi na ageligali; Avandu va twula ku ubudamano kigira litia Yahova.

Tsing'ano 19:1

Mudaka u gendanga mu bulungi bwibwe a veye mulahi Kuvita weminwa gyigye gyi veye mikyamu naye a veye mu siru.

Tsing'ano 2:15

Avetsinzira tsyavo tsi veye tsinkyamu, Avobukyamu mu tsinzira tsyavo:

Tsing'ano 28:6

Mudaka u gendanga mu bulungi bwibwe, a veye mulahi Kuvita uyu wetsinzira tsitsye tsi veye tsinkyamu, kali na a veye mutugi.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Luka 10:16

U hulira mwinye, a hulira inze; kandi u sula mwinye, a sula inze; kandi u sula inze, a sula wa ntuma.

Luka 16:14

Kandi Avafarisayo ava veye avayanza ubutugi, va hulira vindu yivi vyosi; ni va mu kolera kihenyahenye.

Vikolwa 10:22

Ni va vola, Kornilyo, munyampara, mundu mulungi, wa tia Nyasaye, kandi u veye nelidzominywa ku ihiri yosi ya Vayuda, wa Nyasaye ya mannya nengelosi mutakatifu a tume kulanga ive u tsie mu inyumba yeye, a duke kuhulira amakuva ku ive.

Vikolwa 10:35

navutswa mu tsihiri tsyosi wa mu tia na a kola bulungi a mu bugirira.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.