Tsing'ano 14:14 - KITABU KITAKATIFU

¹⁴ Uyu wirananga inyima mu mwoyo gwigwe, a lizula tsinzira tsitsye; Na mundu mulahi a liguta ubulahi bwomwoyo gwigwe mwene.

Tsing'ano 14:14 ပူးပေါင်းရင်းမြစ်များ

Zaburi 109:17

Yee, Ya yanza ubunyegi, na bwa duka kuye; Si ya yanza ubugasu, nabwo bwa li ihale naye.

Tsing'ano 12:14

Ubulahi bu la duka ku mundu ku makuyu gomunwa gwigwe Na mundu a la hebwa likola lyamakono gege.

Tsing'ano 12:21

Avalungi si va la nyola kivi kali hakuzuzu: Navutswa avadamano va lizula ubudamano.

Tsing'ano 14:10

Mwoyo gu manyanga ubululu bwagwo gwene; Na mugeni si yivika mu ubuyanzi bwagwo.

Tsing'ano 14:15

U ta manya a suuvira makuva gosi; Navutswa wobugeeri a henzanga ligali ligenda lilye.

Tsing'ano 18:20

Inda yomundu i lizula makuyu gomunwa gwigwe; A liguta limedeka lyeminwa gyigye.

Tsing'ano 9:12

Nu u va nu veye nobugeeri, u veye nobugeeri bubwo mwene; Nu u va nu u lega, ive mwene u la ginga lilega zana.

Jeremia 17:5

Yahova a vola ndi: U laameywi uyu u suuviranga ku mundu, u kolanga mubiri kuva mukono gwigwe, nomwoyo gwigwe kuleka Yahova.

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 8:5

Kigira ki avandu va Yerusalemi yava va tererekanga ndi kutsia inyima nokuterereka madiku gosi? Na va gumira ubugadi, va sula kwirana.

Ezekieli 22:31

Kigira yaga ntsuki livihirirwa lyange kuvo; mmali kuvasamba nomuliru gwobutima bwange: ndeti inzira yavo avene ku mitwe gyavo, mwami Nyasaye a vola.

Hosea 4:16

Kigira Israeli u koli bwibaali, kuli iroli yobwibaali: kalunu Yahova a la va lihidza kuli mwana weligondi mu ubwiyangu bunene.

Zefania 1:6

na yavo avirana inyima ava leka kulonda Yahova; na yavo ava vula kulonda Yahova, kinga kumwenya.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

Vagalatia 6:4

Navutswa avandu vosi sa mulala yegeridze ku miyinzi gyigye mwene, hene yaho a la va neliidzominya mwene, si ga li ku gyowundi.

Vagalatia 6:8

Kigira uyu u taga ku mubiri gwigwe mwene, a la gesa ku mubiri ubwoneku; navutswa u taganga ku Roho a la gesa ku Roho livamwoyo li ta hera mba.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.