Tsing'ano 14:10 - KITABU KITAKATIFU

¹⁰ Mwoyo gu manyanga ubululu bwagwo gwene; Na mugeni si yivika mu ubuyanzi bwagwo.

Tsing'ano 14:10 ပူးပေါင်းရင်းမြစ်များ

Litanga 42:21

Navo va volerana avane na avene, Ligali ku veye ne kivi ku amwavo wetu, kigira kwa lola ubusaliri bwomwoyo gwigwe, lwa ya ku goonya, ni ku vula kumuhulra; kigira yaga ubusaliri yibu bu duki ku kwinye.

2 Avami 4:27

Nayelwaya duka ku mundu wa Nyasaye mu kigulu, ya mu gumira virenge. Na Gehazi yisunda ahimbi kumutwulidza; navutswa mundu wa Nyasaye ya mu volera, Mu leke a ve: kigira mwoyo gwigwe gu veye nobululu muye; na Yahova u visi ku inze, a vule kumbuulira.

Ayubu 10:1

Mwoyo gwange gu luhi ku livamwoyo lyange; Nda ha likenya lyange ubwiyangu; Nda vola ku litsunwa lya mbeye nalyo mu mwoyo gwange.

Ayubu 21:25

Wundi a kudzanga mu litsunwa lyomwoyo gwigwe, Na si a tsatsamanga kilahi tsinyinga tsyosi mba.

Ayubu 7:11

Kigira yaga si nda gaya munwa gwange mba; Nda vola mu busalisi bwomwoyo gwange; Nda vola mu litsunwa lya mbeye nalyo mu mwoyo gwange.

Ayubu 9:18

Si a la ndeka kuheerana, Navutswa wizulitsa ku inze nekivi.

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Tsing'ano 15:13

Mwoyo gwokusangala gu kola mumoni ubusangali; Navutswa liverera lyononnya mwoyo.

Tsing'ano 18:14

Mwoyo gwomundu gu la ginga ubudedekere bwibwe Navutswa mwoyo gwoneka, ibwaha u nyala kwikudzira kugwo?

Ezekieli 3:14

Ma Roho ya ng'inga igulu, nokumbila ahandi; na nda tsia nobululu, mu butima bwomwoyo gwange; nomukono gwa Yahova gwa li ku inze netsingulu.

Yohana 12:27

Kalunu mwoyo gwange gu henda; nda vola ndi? Dada, u mbonnye ku isaa yiyi? Navutswa kigira yiki ndadza ku isaa yiyi.

Yohana 14:18

Si ndi mu leka avabisandu: ndadza ku mwinye.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

Vafilipi 4:7

Nemirembe gya Nyasaye, gyi vitanga limanya lyosi, gyi la linda myoyo gyenyu netsiganagani tsyenyu mu Kristo Yesu.

1 Petro 1:8

Wa mu yanza kali ni mu ta mu lola; wa mu suuvira kalunu, kali ni mu ta mu lola, nokusangala nobusangali obu ta volwa, nobwizula ubukumi:

Likunula 2:17

Uyu u veye nogutu, a hulire likuva lya Roho a voleranga mavugano. Uyu u guutanga nda mu ha mana i viseywi, kandi nda mu ha ligina lilavu, li ng'odeywi ku lieta lihya, lya u vula ho mundu u manyi, na a ta li uyu u hebeywi.

1 Samweli 1:10

Nomukali uyu lya li nobululu bwomwoyo ligali, na ya saala ku Yahova nokulira ligali.

1 Samweli 1:15

Na Hana ya tivula na a mu volera, Si ga veye ndiyo, mwami wange, inze mbeye mukali womwoyo gwobuverereri ligali: si nweye iwaini, kinga kyokunwa kihambikidzanga, navutswa nda tsuka mwoyo gwange imbiri wa Yahova.