Tsing'ano 13:7 - KITABU KITAKATIFU

⁷ A veye ho wekolanga mutugi, navutswa si a veye nekindu: A veye ho wekolanga mudaka, navutswa a veye nobutugi bunyingi.

Tsing'ano 13:7 ပူးပေါင်းရင်းမြစ်များ

Tsing'ano 11:24

Ha veye nowelisalannya, navutswa vivye vi medeka; Kandi ha veye na u kolanga ubwimani, navutswa bu leta ubudaka.

Tsing'ano 12:9

Uyu u legangwa, naye na a veye nomutugwa wewe A veye mulahi kuvita uyu wiidzominya mwene, na a ta veye nevyokulia.

Tsing'ano 13:11

Ubutugi bwa nyoleka ne vya vutswa bu la gehidzwa; Navutswa uyu u vungidzanga neliyinzira a la medeka.

Tsing'ano 13:8

Mutungu gwelivamwoyo lyomundu gu veye ubutugi bwibwe; Navutswa mudaka si a hulira ligondoka.

Luka 12:20

Navutswa Nyasaye ya mu volera, Ive wobusiru, ubudiku yibu nu bwoku twulidza liva mwoyo lilyo; kandi vindu vya wa lomba vi la va vya bwaha?

Luka 12:21

A veye ndiyo wivikira vindu, navutswa ku Nyasaye si a veye nobutugi.

Luka 12:33

Mu gulidze vya mu veye navyo, mu tunge tsisadaka; mwelombere avene tsimuya tsi ta kunguha, akiba yomigulu i ta hendeka, homwivi a tisunda himbi, kandi hetsisere tsi tononnya.

1 Vakorintho 4:8

Mu mali kwiguta. Mu mali kugwa avatugi. Mu duki kwameha bugira kwinye. Yee, nkano mwamehi, kwinye ku duke kwameha halala nemwinye.

2 Vakorintho 4:7

Navutswa ku veye na akiba yiyi mu viju vyobudohi, tsingulu tsinene ligali tsi duke kutwula ku Nyasaye, si tsi twula ku kwinye avene;

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

2 Petro 2:19

va ta suuviridza libohololwa, inyinga avene va veye avatugwa vobwoneku; kigira mundu na a guuti wundi u guuteywi a manyanga a gwa mutugwa wa uyu wa mu guuta.

Likunula 2:9

Mmanya lidambidzwa lilyo, nobudaka bubwo (navutswa u veye mutugi), kandi mmanya linyega lya yavo avevolanga va veye Avayuda, navutswa si va li ndiyo, navutswa va veye avelivugana lya Setani.

Likunula 3:17

Kigira u vola, Inze mbeye mutugi, kandi nyoye ubutugi, kandi si mbeye nelyenya kindu; kandi si u manya u veye mudambi, kandi u veye muyingu nomudaka nomuboku nomwere: