Tsing'ano 13:3 - KITABU KITAKATIFU

³ Uyu u lindanga munwa gwigwe a lindanga livamwoyo lilye; Narutswa uyu u kunulanga minwa gyigye a la nyola lidiva.

Tsing'ano 13:3 ပူးပေါင်းရင်းမြစ်များ

Zaburi 141:3

O Yahova, u vike ubulindi imbiri womunwa gwange; U linde kiliango kyeminwa gyange.

Zaburi 34:13

Twulidza ululimi lulwo ku budamano, Na u gaye minwa gyigyo gyi ta vola ubugadi.

Zaburi 39:1

Nda vola, Nda henzeridza tsinzira tsyange, Mbule kwona nolulimi lwange: Nda gaya munwa gwange netsinkoba, Lwa avadamano va veye imbiri wange.

Tsing'ano 10:14

Avageeri va vikanga akiba yelimanya; Navutswa munwa gwomusiru gu veye ubudivi bwa kalunu.

Tsing'ano 10:19

Mu bunyingi bwamakuva si ga vula kuva mu mahyolo Navutswa uyu u gayanga minwa gyigye, a veye wobugeeri.

Tsing'ano 10:8

Avobugeeri mmwoyo gwavo va la vugula amalago; Navutswa musiru wamakuva manyingi a la gwa hasi.

Tsing'ano 12:13

Ku lihyolo lyeminwa, mutego gu veye mu, ku mudamano; Navutswa mulungi a la hona mu kivi.

Tsing'ano 13:4

Mwoyo gwomugata gu kayirangwa, na si gu veye nekindu; Navutswa mwoyo gwomugulu gu la komeridzwa.

Tsing'ano 14:3

Mu munwa gwomusiru mu veye nempimbo yoluyai lwilwe; Navutswa minwa gyavageeri gyi la va linda.

Tsing'ano 18:21

Likudza na livamwoyo vi veye mu tsingulu tsyolulimi; Navo ava lu yanza va la lia makuyu galwo.

Tsing'ano 18:7

Munwa gwomusiru gu veye lidiva lilye, Na minwa gyigye gyi veye mitego gyomwoyo gwigwe.

Tsing'ano 20:19

Uyu u tsitsanga yiyi na yiyi kuva muhudziridzi a vuulanga agaviswa; Kunangwa u ta hambana na uyu u kunulanga ligali munwa gwigwe.

Tsing'ano 21:23

Ku vosi uyu u gayanga munwa gwigwe na ululimi lwilwe Yelinda mwoyo gwigwe ku lidambidzwa.

Yakobo 1:26

Mundu ni yeganagana a veye wedini, naye na a ta boha lulimi lwilwe nelijamu, navutswa a gada mwoyo gwigwe, mundu uyu, idini yeye neya vutswa.

Vakalagi 16:11

Naye ya mbolera, Ni va mboha nemigoye mihya miyere, gya va kikiri kukola miyinzi nagyo, ma nda va mudedekere, nda leng'ana nomundu wundi.

Vakalagi 16:17

Naye ya mu volera gosi aga li mu mwoyo gwigwe, na a mu volera, Lugembe si lwa duka ku mutwe gwange; kigira inze mbeye Munaziri wa Nyasaye kutwula munda mwa mama wange: ni mba ni mbegwa, hene yaho tsingulu tsyange tsi la ndeka, na nda va mudedekere, nda leng'ana nomundu wundi.