25 Ubuliduhu mu mwoyo gwomundu bu gwinaminya; Navutswa likuva lilahi li gu sangalidza.
Ndambidzanga na nzinamanga ligali; Ng'endanga mbasu bei neliverera.
Kigira ki winamanga, O mwoyo gwange? Na kigira ki u hendanga mu inze? U suuvire Nyasaye; kigira nda duka kumwidzominya, Uyu u veye ubuhonyi bwommoni mwange, na Nyasaye wange.
Ha veye welivola bugira liganagana, kuli litumita lyekivavi; Navutswa ululirni lwomugeeri lu veye nobulamu.
Mulungi a veye mwimiriri ku mutende wewe; Navutswa inzira yomudamano i va hilanga mu mahyolo.
Mwoyo gu manyanga ubululu bwagwo gwene; Na mugeni si yivika mu ubuyanzi bwagwo.
Mwoyo gwokusangala gu kola mumoni ubusangali; Navutswa liverera lyononnya mwoyo.
Madiku gosi ga yavo ava dambidzangwa ga veye madamano; Navutswa uyu u veye womwoyo gwelisangala a veye nelilia kazozo.
Mundu a vedzanga nobusangali mu litivula lyomunwa gwigwe; Na likuva li volangwa ku inyinga i dukani, li veye lilahi ndi
Ubulavu bwetsimoni bu yanzidza mwoyo; Kandi makuva malahi ga komeridza vigumba.
Makuva gokuyanzidza ga veye kuli lisang'asa lyobwuki, Ga veye amanolu ku mwoyo, na ubulamu ku vigumba.
Mwoyo gwobusangali gu veye lunyasi lulahi; Navutswa mwoyo gwoneka gwuminyanga vigumba.
Mwoyo gwomundu gu la ginga ubudedekere bwibwe Navutswa mwoyo gwoneka, ibwaha u nyala kwikudzira kugwo?
Likuva li volangwa ku inyinga yalyo Li veye kuli makuyu gethahabu mu vihinda vyefetha.
Amaguta na vyokufunya mwayu, vi yanzidzanga mwoyo; Ni ndiyo ubunolu bwomulina womundu, bu twula ku makuva gomwoyo
Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.
Na Yahova ya tivulira ingelosi wa volerana ninze makuva malahi, makuva gokuleminya mwoyo.