Tsing'ano 12:13 - KITABU KITAKATIFU

¹³ Ku lihyolo lyeminwa, mutego gu veye mu, ku mudamano; Navutswa mulungi a la hona mu kivi.

Tsing'ano 12:13 ပူးပေါင်းရင်းမြစ်များ

Litanga 48:16

Ingelosi wa mbonnya kuntwulidza ku budamano bwosi, a gasidze avayai; na lieta lyange litalirwe kuvo, na lieta lya vaguga vange Abrahamu na Isaka; navo va viruke, nokukula kuva avanyingi mu lirova.

2 Samweli 4:9

Na Daudi ya tivulira Rekahu na Baana amwavo wewe, avana va Rimon Mubeerothu, na a va volera, Kuli Yahova a veye mwoyo, wa honnya mwoyo gwange mu kivi kyosi,

1 Avami 2:23

Ma mwami Solomoni yesuha ku Yahova, na a vola, Nyasaye a nkolere ndiyo, nokumeda kandi, Adonija na a va na a vula kuvola yaga ku livamwoyo lilye.

Zaburi 34:19

Avalungi va veye nevivi vinyingi; Navutswa Yahova a mu honnyanga ku vyosi.

Zaburi 34:20

A lindanga vigumba vivye vyosi: Si ki veye ho kilala kuvyo ki vuniki.

Zaburi 5:6

U dividza ava volanga ububehi: Yahova a vihirirangwa mundu wekisahi, nowobugadi.

Zaburi 59:12

Kigira ubwoni bweminwa gyavo, na makuva geminwa gyavo, Va gumirwe mu ubwigingiri bwavo, Na kigira ubunyegi na ubugadi bwa va volarlga.

Zaburi 59:13

U va heridze mu livihirirwa, u va heridze kuduka va ta va ho kandi: Va duke kumanya Nyasaye yameha mu Yakobo Kuduka ku kiheri kyelirova [Selaha

Zaburi 64:8

Na ndiyo va likigitalidzwa, tsinimi tsyavo tsi va gumiye: Vosi ava va lola va la sung'usa mitwe.

Tsing'ano 10:8

Avobugeeri mmwoyo gwavo va la vugula amalago; Navutswa musiru wamakuva manyingi a la gwa hasi.

Tsing'ano 11:8

Wobulungi a honnyangwa mu kivi, Na umudamano a duka mu ubugono bwibwe.

Tsing'ano 15:2

Ululimi lwomugeeri lu volanga limanya lilungi; Navutswa munwa gwomusiru gu sundulanga ubusiru.

Tsing'ano 18:21

Likudza na livamwoyo vi veye mu tsingulu tsyolulimi; Navo ava lu yanza va la lia makuyu galwo.

Tsing'ano 21:23

Ku vosi uyu u gayanga munwa gwigwe na ululimi lwilwe Yelinda mwoyo gwigwe ku lidambidzwa.

Tsing'ano 6:2

U tegeywi na makuva gomunwa gugwo, U vuguywi na makuva gomunwa gugwo

Kohelethu 7:18

Nobu lahi u gumire likuva yili; yee, u ta twulidza mukono gugwo ku likuva yili: kigira uyu u tidzanga Nyasaye a la twula mu yaga gosi.

Danyeli 6:24

Kunangwa mwami ya haana munwa, ni va leta avandu yavo, ava yala Danyeli, na va va ta mu luhangaywa lweving'ang'a, avene, na avana vavo, na avakali vavo; na ving'ang'a vya va guuta, ni vi vunannya vigumba vyavo vyosi, ni va kikiri kuduka hasi mu luhangaywa.

Matayo 27:25

Avandu vosi va tivula ni va vola, Masahi gege ga ve ku kwinye, noku vana vetu.

2 Petro 2:9

Mwami a manya inzira yokuvahonnya mu ligeridzwa ava mu tia, nokuvika avadamano mu kivi kuduka ku lidiku lyelikalaga;