Tsing'ano 11:19 - KITABU KITAKATIFU

¹⁹ Uyu u dinyahga mbulungi a la duka ku livamwoyo; Na uyu u londanga ubukyamu, yehila mu likudza mwene.

Tsing'ano 11:19 ပူးပေါင်းရင်းမြစ်များ

2 Avami 1:16

Na ya volera mwami Yahova a ku volera, Kigira ive wa tuma avatumwa va teve ku Baal zebubu, munyasaye wa Ekiron, ga veye kigira si ha veye na Nyasaye mu Israeli u teve likuva lilye? Kigira yaga si u lika kutwula ku kitali kya u nina ku navutswa ligali u la kudza.

2 Avami 1:4

Kunangwa kalunu Yahova a vola yaga Ive si u lika ku kitali kya u nina ku, navutswa ligali u la kudza. Na Elija ya twula.

Tsing'ano 10:16

Miyinzi gyavalungi gyi vekanoa ku livamwoyo; Limedeka lyavadamano li yekanga ku ubwoni.

Tsing'ano 11:4

Ubutugi si bu konya kindu mu lidiku lyobutima; Navutswa ubulungi bu honnyanga ku likudza.

Tsing'ano 12:28

Livamwoyo li veye ku inzira yobu lungi; Kandi si ha veye likudza mu inzira yalyo.

Tsing'ano 19:23

Litia Yahova li henzanga ku livamwoyo; Na uyu u veye nalyo a la va nekilema mwoyo Ubudamano si bu la duka kuye mba.

Tsing'ano 21:16

Mundu u voyavoyanga kutwula ku inzira yelimanya A la menya mu livugana lyavakudzu.

Tsing'ano 21:21

Uyu u londanga ubulungi na tsi mbabasi A nyola livamwoyo, na ubulungi, na lidzominywa.

Tsing'ano 8:36

Navutswa uyu u nkolera ubwoni, yononnya mwoyo gwigwe mwene: Vosi ava ndunyiranga, yava va yanzanga likudza.

Vikolwa 10:35

navutswa mu tsihiri tsyosi wa mu tia na a kola bulungi a mu bugirira.

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

Kwidzulitsa 16:20

U la londa yaga aga veye bulungi ligali, u duke kuva mwoyo, nokunyola kivala gya Yahova Nyasaye wowo a ku ha.

Yakobo 1:15

Kandi likayirwa zana lwa li mala kuvereka livulanga ubwoni: nobwoni lwa bu mala kukula bu letanga likudza.

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Yohana 3:7

Avana vakekeke vange, mu ta leka mundu kali mulala a mu gotidze: uyu u kola ubulungi a veye mulungi, kuli mwene a veye mulungi: