Tsing'ano 10:27 - KITABU KITAKATIFU

²⁷ Litia lya Yahova li meda madiku; Navutswa mihiga gya avadamano gyi la gehidzwa.

Tsing'ano 10:27 ပူးပေါင်းရင်းမြစ်များ

Zaburi 21:4

Ya teva ku ive livamwoyo, wa mu ha, Kali ubutambi bwamadiku manyingi gemihiga nemihiga.

Zaburi 55:23

Navutswa ive, O Nyasaye, u la vikidza kuduka mbogo bwobwoneku: Avandu avekisahi na avagadi si va la hindira kuduka inusu ya madiku gavo; Navutswa inze nda suuvira ive

Zaburi 91:16

Nda mwigutidza nobutambi bwamadiku manyingi, Na nda mu mannya ubuhonnyi bwange.

Zaburi 92:15

Kulolekidza Yahova a veye nobulungi; A veye ulwanda lwange, na si ha veye nobukyamu muye.

Tsing'ano 14:27

Litia Yahova li veye kisenukiru kyamadzi gelivamwoyo, Mundu a nyale kutwula mu mitego gyelikudza.

Tsing'ano 28:18

Ku vosi uyu u genda nobulungi a la honywa; Navutswa uyu u kyaminya tsi nzira tsitsye a la gwa nonoho.

Tsing'ano 3:16

Ubutambi bwamadiku bu veye mmukono gwigwe mulungi; Na mu mukono gwigwe mmosi a veye nobutugi na lidzominywa.

Tsing'ano 3:2

Kigira butambi bwamadiku na mihiga gyelivamwoyo, Na mirembe ga la ku medera.

Tsing'ano 9:11

Kigira ku inze, madiku gogo ga la medeka, Na mihiga gyelimenya lilyo gyi la medeka.

Kohelethu 7:17

U ta va mudamano ligali, kandi u ta va musiru: u kudze inyinga yoyo i kikiri kuduka, kigira ki?

Jeremia 17:11

Kuli inkwari i goneranga mabuyu amasiru nokuvula kwalula, ni ndiyo a veye uyu u nyola ubutugi, navutswa si bu veye ku bulungi; bu la mu leka hagati ha madiku gege, na mu kiheri kikye a la va umusiru.

Luka 12:20

Navutswa Nyasaye ya mu volera, Ive wobusiru, ubudiku yibu nu bwoku twulidza liva mwoyo lilyo; kandi vindu vya wa lomba vi la va vya bwaha?

Kwidzulitsa 11:9

na mu duke kukola madiku genyu kuva manyingi mu kivala, kya Yahova yesuhira avaguga venyu a la va ha nevisukululwi vyavo, kivala ki gangalukanga amaveere nobwuki.