Tsing'ano 10:18 - KITABU KITAKATIFU

¹⁸ Uyu u visanga ubudunyi a veye neminwa gyobubehi Na uyu u volanga ligemehidza a veye musiru.

Tsing'ano 10:18 ပူးပေါင်းရင်းမြစ်များ

2 Samweli 3:27

Na lwa Abineri ya li ni yirananga Hebironi, Joabu ya mbeta haluvega hagati hekiribwa kuvolerana naye galaha, naye ya mu tumita munda, na a kudza, kigira masahi ga Asaheli amwavo Joabu.

Zaburi 101:5

Uyu u gemeranga mutende wewe makiriri, nda mu twulidza: Uyu u henzanga nobwegingiri, na womwoyo gwoluyai si ndekudzira kuye mba.

Zaburi 12:2

Va volerananga ububehi sa mulala nowakye: Nolulimi ludoto, kandi nemyoyo gyiviri, va volanga.

Zaburi 15:3

Uyu a vula kuhuudzeridza ku lulimi lwilwe, Na si a kolera wakye ubudamano mba Kandi si a bugirira manyego kunyega mutende wewe.

Zaburi 5:9

Kigira si ha veye nelibugirira mminwa gyavo; Muvo buveye ubudamano bunene; Amadundu gavo ga veye kilindwa kyalamu Tsinimi tsyavo tsi veye tsindoto.

Zaburi 50:20

Wikalanga kuvola gokuvukira amwavo wowo Na u hilanga tsimbemba ku mwana wa mama wowo.

Zaburi 55:21

Munwa gwigwe gwa li muterere kuvita maguta, Navutswa mwoyo gwigwe gwa li ubulwani: Makuva gege ga li madoto kuvita maguta, Navutswa ga li vivavi visomole.

Kutwula 23:1

U ta ginga makuva gobubehi: u ta vika mukono gugwo halala nomwoni kuva mulolekidzi wobukyamu.

Jeremia 6:28

Yava vosi va veye avokugirunkana, ava tsitsanga yiyi na yiyi netsimbemba, va veye mugasa nekivya: va kolanga ubukyamu vosi.

Jeremia 9:4

Mu gelihe sa mulala nowakye, kandi mu ta suuvira ku amwavo; kigira amwavo sa mulala a likigitalidza ligali, nomutende sa mulala a la tsia yiyi na yiyi nokulandidza tsimbemba.

Kyavalevi 19:16

U ta tsia yiyi na yiyi kuli muhudziridzi hagati ha avandu vovo: kandi u ta singira ku masahi gowakyo: inze mbeye Yahova.

1 Samweli 18:29

Na Saulo ya kira kutia Daudi ligali; Saulo ya li musigu wa Daudi kazozo.