Tsing'ano 1:31 - KITABU KITAKATIFU

³¹ Kunangwa va la lia makuyu genzira yavo avene, Na va lizula makuva gavo avene.

Tsing'ano 1:31 ပူးပေါင်းရင်းမြစ်များ

Ayubu 4:8

Kuli inze ndolanga, yavo ava limanga ubudamano, Noku midza kivi, va gesanga kya zana.

Zaburi 81:13

O nkano avandu vange va mbulire, Na Israeli nkano va gende mu tsinzira tsyango

Tsing'ano 12:14

Ubulahi bu la duka ku mundu ku makuyu gomunwa gwigwe Na mundu a la hebwa likola lyamakono gege.

Tsing'ano 13:2

Mundu a la lia bulahi kigira makuyu gomunwa gwigwe; Navutswa mwoyo gwavetsimbemba gu la lia kirage.

Tsing'ano 14:14

Uyu wirananga inyima mu mwoyo gwigwe, a lizula tsinzira tsitsye; Na mundu mulahi a liguta ubulahi bwomwoyo gwigwe mwene.

Tsing'ano 22:8

Uyu u midza ubugutsa bwobudamano a la gesa ligesa lyobudivi; Na impimbo yobutima bwibwe i la hera.

Tsing'ano 5:22

Mudamano a la hambwa nobu damano bwibwe mwene, Na a la bofwa nemigoye gyobwoni bwibwe.

Tsing'ano 5:23

A la kudza kigira ligehera lyamegidzo; Na a la diva mu bunene bwobusiru bwibwe.

Tsing'ano 8:36

Navutswa uyu u nkolera ubwoni, yononnya mwoyo gwigwe mwene: Vosi ava ndunyiranga, yava va yanzanga likudza.

Isaya 66:4

na inze kandi nda tovola ubugadi bwavo, nobutii bwavo nda leta kuvo; kigira lwa nda langa, si ha li nomundu wa bugirira; lwa nda vola, si va hulira: navutswa va kola vyobudamano imbiri wetsimoni tsyange, nokutovola aga inze nda vula kuyanza.

Jeremia 14:16

Navandu yavo ava va vikanga kuvo ubuprofeti, va la tebwa ku mahasi ga Yerusalemi kigira inzala nekivavi; si va la va nomundu wokuvata yavo, navakali vavo, navana vavo vayai, navakana: kigira nda tsuka ubudamano bwavo kuvo.

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 21:14

Nda mu ha mageli kuli amakuyu gevikolwa vyenyu, Yahova a vola; nda fwana muliru mu mulitu gwigwe, na gu la samba vindu vyosi vya mu kumbiridza ku tsimbega tsitsye.

Jeremia 6:19

U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

Ezekieli 22:31

Kigira yaga ntsuki livihirirwa lyange kuvo; mmali kuvasamba nomuliru gwobutima bwange: ndeti inzira yavo avene ku mitwe gyavo, mwami Nyasaye a vola.