Tsing'ano 1:28 - KITABU KITAKATIFU

²⁸ Hene yaho va lanira inze, navutswa si nda va tivulira; Va la nyenya ligali, navutswa si va la nyola:

Tsing'ano 1:28 ပူးပေါင်းရင်းမြစ်များ

Litanga 6:3

Na Yahova ya vola, Roho wange si a la hing'ana nomundu, mihiga nemihiga, kigira a veye inyama kandi: navutswa madiku gege ga la va mihiga mia na makumi gaviri.

Ayubu 27:9

Nyasaye a la hulira lilira lilye, Lwa kivi ki duka kuye?

Ayubu 35:12

Ha zana ha liranga yo, navutswa si ha veye nomulala u bugiriranga, Kigira luyai lwavandu avakyamu.

Zaburi 18:41

Vanira, navutswa si ha li nowokuvahonnya; Kali ku Yahova, navutswa si ya va tivulira mba.

Zaburi 18:42

Hene yaho nda va siya kuva kuli ulugukyi imbiri wembuudza; Nda va ta kyova kuli madohi getsinzira.

Zaburi 66:18

Ni mba ni nyanza ubudamano mu mwoyo gwange, Mwami si a la mbulira mba:

Tsing'ano 15:29

Yahova a veye ihale ku mudamano; Navutswa a hulira lisaala lyomulungi.

Tsing'ano 8:17

Nyanzanga yavo ava yanza inze; Navo avenyanga budinyu va la nyola inze.

Lwimbu lwa Solomoni 5:6

Ndigulira muyanze wange; Navutswa muyanze wange ya li na a vodonkana na a tsie. Mwoyo gwange gwa kudza mu inze lwa ya vola: Nda mwenya, navutswa si nda mu nyola mba; Nda mu langa, navutswa si ya bugirira mba.

Isaya 1:15

Lwa mu nyira makono genyu, nda visa tsimoni tsyange mbule kumulola; yee, lwa mu saala lisaala linyingi, si nda li hulira mba; makono genyu gizuye masahi.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Hosea 5:15

Nda tsia kwirana hango hange, kuduka lwa veyama mahyolo gavo, nokwenya mmoni mwange: mu kivi kyavo va la nyenya ligali.

Hosea 5:6

Va la tsia halala nevyayo vyavo vyamagondi netsing'ombe kwenya Yahova; navutswa si va la mu nyola mba: wivisi mwene kuvo.

Amosi 8:12

Na va la gendagenda kutwula inyanza kuduka ku inyanza, nokutwula ku luvega lwa kasikasini kuduka ku luvega lwevugwe; va la nyagula kutsia yiyi neyiyi kwenya likuva lya Yahova, na si va la li lola mba.

Mika 3:4

Inyinga yeyo va lanira Yahova, navutswa a la vula kuvativulira; yee, a la visa mmoni mwimwe va vule kumulola inyinga yeyo, kuli va koli budamano mu likola lyavo.

Zekaria 7:13

Kandi ga duka, lwa yanira, navo si va bugirira kuhulira mba; ni ndiyo yavo va lanira, na inze si ndi hulira mba, Yahova wa mahe a vola;

Kwidzulitsa 1:45

Mwirana ni mu lira imbiri wa Yahova; navutswa Yahova si ya hulira mwoyo gwenyu, kandi si ya yekidza amatu gege ku mwinye.

Yakobo 4:3

Mu saalanga, si mu nyola, kigira mu saala nobudamano, mu duke kuvitumekira mu likayirwa lyenyu.

1 Samweli 8:18

Na mu la lira ku lidiku yilyo kigira mwami wenyu uyu wa mwetovolera; na Yahova a la vula kumuhulira mu lidiku yilyo.