Tito 3:5 - KITABU KITAKATIFU

⁵ si ku li ku miyinzi gyobulungi gya kwa kola kwinye avene, navutswa ya ku honnyira ku tsimbabasi tsitsye, nelyogidza lyelivulwa lihya nokukolwa ubuhya kigira Roho Mutakatifu,

Tito 3:5 ပူးပေါင်းရင်းမြစ်များ

Ayubu 15:14

Ku mundu a veye ki, kuduka u gwiye munifu? Uyu womukali yivula, u gwiye mulungi?

Ayubu 25:4

Mundu a nyala ndi kuvolwa kuva mulungi imbiri wa Nyasaye? Kinga a nyala ndi kuva munifu womukali yivula?

Ayubu 9:20

Kali ni mbeye mulungi, munwa gwange mwene gu la kalaga lihyolo ku inze: Kali ni mbeye mudukiru, munlla guange gu la lolekidza ku inze bukyamu.

Zaburi 130:7

O Israeli, mu suuviridze Yahova; Kigira tsimbabasi tsyobuyanzi tsi veye mu Yahova, Kandi ubuhonnyi ubunene bu veye muye.

Zaburi 143:2

U tingira mu lilkalagira mutumekiri wowo Kigira imbiri wowo si ha veye nomundu ku vosi va veye mwoyo, u va mulungi mwene mmoni mumwo.

Zaburi 51:10

U nombere mwoyo mulavu, O Nyasaye; Kandi u nzirannyire roho muhya mugati mwange.

Zaburi 62:12

Kandi tsimbabasi tsyobuyanzi tsi veye tsitsyo, O Mwami; Kigira u tunganga ku avandu sa mulala kuli miyinzi gyigye.

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Zaburi 86:5

Kigira ive, Mwami, u veye mulahi, na mwangu kusameha, Na wobunyingi bwetsimbabasi ku vosi avanira ive.

Isaya 57:12

Nda lang'aminya ubulungi bubwo; noku likola lilyo, si li la ku konya mba.

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Matayo 3:11

Ligali inze mmu batidza mmadzi mu duke kweganira; navutswa u nonderera a veye netsingulu kuvita inze, vilatu vivye si ndukana kumugingira: uyu a la mu batidza mu Roho Mtakatifu nomu muliru.

Luka 1:50

Kandi tsimbabasi tsyitsye tsi vedzanga ku makula namakula Kuvo ava mu tia

Luka 1:54

Ya konya Israeli mutumekiri wewe A duke kwidzulitsa tsimbabasi tsitsye,

Luka 1:72

Nokuvera vaguga vetu tsimbabasi, Nokwidzulitsa lilago lilye litakatifu;

Luka 1:78

Kigira tsimbabasi tsinene tsya Nyasaye wetu, Kutsyo ubulavu bu twula igulu bu la ku dukira,

Varumi 11:14

mbula nduke ku vyosi kukendekidza avolulera lulala ninze, nokuhonnya avalala kuvo.

Varumi 11:6

Navutswa ni li va ni li veye ku tsimbabasi, si li veye ku likola kandi: ni ga va ndiyo tsimbabasi si tsi veye tsimbabasi kandi.

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

Varumi 3:20

kigira imbiri wewe si ha veye nowomubiri u li volwa a veye nobulungi ku miyinzi gyelilaga; kigira limanya lyobwoni lidzira mu lilaga.

Varumi 3:28

Ku vola mundu a hebangwa ubulungi kigira lisuuvira bugira miyinzi gyelilaga.

Varumi 4:5

Navutswa uyu u ta yinzira, navutswa a suuviranga ku uyu u hedzanga avekirage ubulungi, lisuuvira lilye li validzwa li yeye buhlngi.

Varumi 9:11

kigira avana lwa va li ni va kikiri kwivulwa, kandi inyinga va kikiri kukola kindu kilahi kinga kidamano, ubulaliri bwa Nyasaye mu litovola bu duke kusingira, si bwa li bwemiyinzi, navutswa bwa uyu u langa,

Varumi 9:16

Kunangwa si ga li ga uyu wenya, kinga ga uyu u nyagula, navutswa aga Nyasaye u vererera.

Varumi 9:30

Kunangwa ku vola ndi? Avandu ve Tsihiri ava ta londa ubulungi, va duka ku bulungi, yibu nobulungi bwelisuuvira;

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

Vagalatia 2:16

ni ku ma nya mundu si a volangwa kuva mulungi ku vikolwa vyelilaga, navutswa ku lisuuvira ku Yesu Kristo kali kwinye kwa suuvira Kristo Yesu ku duke kuvola kuva avalungi ku lisuuvira Kristo, si ga li vikolwa vyelilaga: kigira si ha veye nowomubiri u li volwa kuva mulungi ku vikolwa vyelilaga.

Vafeso 2:4

navutswa Nyasaye, kigira ya li netsimbabasi tsinene, kigira ubuyanzi bunene bwibwe bwa ya yanza kwinye,

Vafeso 4:23

kandi mu kolwe avandu avahya mu roho gwobugeeri bwenyu,

Vafeso 5:26

a duke kulitakasa lwa a mali kula vidza nelyogidza lyamadzi mu likuva,

Kwidzulitsa 9:5

Si ga li kigira butakatifu bubwo, kinga bulungi bwomwoyo gugwo, ive wingira kugumira kivala kyavo; navutswa ga veye kigira ubudamano bwetsihiri yitsi Yahova Nyasaye wowo a va kunganga kutwula imbiri wowo, a duke kusingeridza makuva ga Yahova yisuhira vaguga vovo, Abrahamu, na Isaka, na Yakobo.

Vakolosai 3:10

kandi mwiviki mundu muhya, u kolangwa muhya a duke a nyole limanya kuli ligondo lyowa mu lomba:

2 Timoteo 1:9

wa honnya kwinye na a ku langa nelilanga litakatifu, si ga li kuli miyinzi gyetu navutswa kuli ubulaliri bwibwe nelivererera lilye lya kwa hebwa mu Kristo Yesu imbiri wetsinyinga tsya kale,

Tito 3:4

Navutswa ubulahi bwa Nyasaye Muhonnyi wetu nobuyanzi bwibwe bwa a yanza avandu lwa bwa lang'ama,

Vahebraina 10:22

kwisunde himbi nomwoyo gweligali nomu lisuuvira lyobudukiru, ku veye nemyoyo gyetu gyuheywi kutwulidza mwoyo mudamano; nomubiri gwetu gwogidzwa namadzi malahi,

Vahebraina 4:16

Kunangwa kwisunde himbi ku intebe yetsimbabasi nobuluviriri, ku duke kuvugula liverererwa nokunyola tsimbabasi tsyokukukonya mu inyinga i li duka.

Vahebraina 6:6

ma kandi ni va gwa, si ga nyalika kandi kuviranya avahya va duke kweganira; kigira avene vebambiye Mwana wa Nyasaye hali kaviri, nokumulegannyira habulavu.

1 Petro 1:3

A gasidzwe Nyasaye Dada wo Mwami wetu Yesu Kristo, u kwivuye hali kaviri, kuli tsimbabasi tsitsye tsinene, ku duke ku lisuuviridzwa li veye mwoyo, ku lisimugukidzwa lya Yesu Kristo kutwula mu vakudzu,

1 Petro 2:10

mwinye ava vula kuva vandu mu matsyambiri, navutswa kalunu mu veye avandu va Nyasaye: ava vula ku verererwa, navutswa kalunu mu verereywi.

1 Petro 3:21

aga honnya mwinye kalunu ku lugano zana libatidza, si ga li kya twulidza liko lyomubiri, navutswa ga veye ku lyenya litivula lyomwoyo mulahi ku Nyasaye, kigira lisimugukidzwa lya Yesu Kristo;