Tito 2:11 - KITABU KITAKATIFU

¹¹ Kigira tsimbabasi tsya Nyasaye tsi mali kuloleka, tsi letanga ubuhonnyi ku vandu vosi,

Tito 2:11 ပူးပေါင်းရင်းမြစ်များ

Zaburi 67:2

Inzira yoyo i manyekane ku lirova, Na ubuhonyi bubwo ku avetsihiri tsyosi.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Zaburi 96:10

Mu vole hagati hetsihiri, Yahova yamehanga: Lirova kandi li singiridziywi, kuduka li ta nyala kudengeya: A la kalagira avandu nobulungi.

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Zekaria 4:7

Ive ni bwaha, O kigulu kinene? Imbiri wa Zerubabeli u la gwa kivala kyekereremu; naye a la leta ligina lyokugulira halala no kukupa isango, kuvola, Tsimbabasi, tsimbabasi, tsi ve kulyo.

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Marko 16:15

Ya va volera Gendi mu tsie mu lirova lyosi mwilwadze ivangeli ku vandu vosi.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Luka 3:6

Navandu vosi va la lola ubuhonnyi bwa Nyasaye.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:9

Bwa li ho ubulavu bweligali, bwingira mu lirova ni bu ha avandu vosi ubulavu.

Vikolwa 11:23

Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

Vikolwa 13:43

Livugana lwa lyavukana, Avayuda vanyingi navizamiri valahi va londa Paulo na Baranaba; ava volerana navo ni va veganehidza va menye mu tsimbabasi tsya Nyasaye.

Vikolwa 13:47

Kigira Mwami ya ku laga ndiyo, na a vola, Mmali kukuvika u ve ubulavu bwe Tsihiri, U ve nobuhonnyi kuduka ku kiheri kyelirova.

Vikolwa 17:30

Tsinyinga tsyobusiru Nyasaye si ya tsi henza; navutswa kalunu u mali kulaga avandu vosi, hosi ha va veye, veganire:

Vikolwa 20:24

Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye.

Varumi 10:18

Navutswa nteva, Si va hulira? Yee, ligali, Lwanga lwavo lwa twula nokuduka mu lirova lyosi, Kandi amakuva gavo ga duka ku tsindulu tsyelirova.

Varumi 5:15

Navutswa kihaanwa si ki veye kuli lihyola lva li. Kigira avanyingi ni va kudza ndi ku lihyola lyomulala, ligali kuvita tsimbabasi tsya Nyasaye nekihaanwa mu tsimbabasi tsyomundu mulala, Yesu Kristo, ki la kira ku vanyingi.

Varumi 5:2

Ku nyoleye ku uyu inzira kigira lisuuvira lyokvwingira mu tsimbabasi yitsyi tsya ku singiye mu; nokusangala mu lisuuviridzwa lyobukumi bwa Nyasaye.

2 Vakorintho 6:1

Muye. Na kwinye ku yinzira halala naye ku mu goonya kandi mu ta vugula tsimbabasi tsya Nyasaye tsi ve tsya vutswa.

Vagalatia 2:21

Si nzangalalidza tsimbabasi tsya Nyasaye: kigira ubulungi bu va ni bu nyolekera ku lilaga, kunangwa Kristo ya kudza vutswa.

Vafeso 2:5

kali inyinga kwa li avakudzu kigira mahyolo getu, ya ku ha livamwoyo halala na Kristo (mu honnyeywi netsimbabasi),

Vafeso 2:8

Kigira mu honnyeywi netsimbabasi kigira lisuuvira; nalyo si lya twula ku mwinye avene, li veye kihaanwa kya Nyasaye;

Vakolosai 1:23

ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.

Vakolosai 1:6

i veye halala nemwinye; kuli wa i veye mu lirova lyosi nokwama makuyu nokumedeka, kuli wa i veye mu mwinye kandi, kutwula lidiku lya mwa hulira nokumanya tsimbabasi tsya Nyasaye mu geligali,

2 Vatesalonike 2:16

Kalunu Mwami wetu Yesu Kristo mwene, na Nyasaye Dada wetu wa ku yanza na a ku ha kilema mwoyo kyemihiga nemihiga nelisuuvira lilahi mu tsimbabasi,

1 Timoteo 1:14

kandi tsimbabasi tsyo Mwami wetu tsya kira ligali halala nelisuuvira nobuyanzi bu veye mu Kristo Yesu.

1 Timoteo 2:4

wenyanga ava ndu vosi va hone nokuduka ku limanya ageligali.

2 Timoteo 1:10

na vutswa kalunu li lang'aminyeywi ku liloleka lyo Muhonnyi wetu Kristo Yesu, wa goyanya likudza, na a leta livamwoyo nelivula kukudza li ve ha bulavu kigira ivangeli.

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

Vahebraina 12:15

mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;

Vahebraina 2:9

Navutswa ku lola Yesu, uyu w a kolwa mugeheru inyinga inkekeke ku tsingelosi, kigira ubusaliri bwelikudza, u vikeywi itaji yobukumi neyelidzominywa, ku tsimbabasi tsya Nyasaye a duke kutsatsama likudza kigira avandu vosi.