Tito 2:10 - KITABU KITAKATIFU

¹⁰ va ta va averondehidzi, navutswa va lang'aminye ubusuuvirifu bulahi bwosi: va duke kusiaha amegidzo ga Nyasaye Muhonnyi wetu ku vindu vyosi.

Tito 2:10 ပူးပေါင်းရင်းမြစ်များ

Zaburi 101:6

Tsimoni tsyange tsi la va ku avasuuvirifu vekivala, va duke kumenya ninze: Uyu u gendanga ku inzira yobudukiru, a la ntumekira.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Matayo 24:45

Mutugwa mulahi nomugeeri ni bwaha, womwami wewe a vika a ve munene wenyumba yeye, kuvaha vyokulia vyavo vyetsinyinga tsi duka?

Matayo 5:16

Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Luka 1:47

Roho gwange gu yanza ku Nyasaye Muhonnyi wange.

Luka 1:80

Mwana ya viruka na a dasa tsingulu mu mwoyo gwigwe, na a menya mwigendanyama kuduka inyinga yeye yokuloleka ku Israeli.

Luka 16:10

U veye nelisuuvirwa ku vikekeke ligali, kandi a veye nelisuuvirwa ku vinene: kandi u veye muganga ku vikekeke a veye muganga ku vinene.

Yohana 12:6

Si ya vola yaga kigira a verera avadaka; navutswa kigira ya li mwivi, kandi kigira ya ginga kilinga, na a hila vya vikwa mu.

1 Vakorintho 4:2

Hano kandi genyangwa avalindi va lolwe kuva avasuuvirifu.

Vafeso 4:1

Kunangwa, inze muhambe mu Mwami, mmu goonya mu gende kuli ga mu dukira mu lilangwa lyenyu lya mwa langwa,

Vafilipi 1:27

Geng'ine limenya lyenyu li ve kuli wa li dukiranga ivangeli ya Kristo: ni mba ni nzidza kumulola naho ni mba ni nta va ho, mbulire amakuva genyu, mu singiranga nobuluviriri mu roho mulala, nomwoyo mulala mu lwana kigira lisuuvira lyevangeli;

Vafilipi 4:8

Agatigaye, avamitu, gosi aga veye ageligali, gosi aga veye agelidzominywa, gosi aga veye gobulungi, gosi aga veye manifu, gosi aga yanzidzanga, gosi aga gohangwa; ni bu veye ho bulahi, ni li veye ho lidzominya, mu ganagane vindu yivi.

1 Timoteo 1:1

Paulo, mutumwa wa Kristo Yesu kuli lilaga lya Nyasaye Muhonnyi wetu, na Kristo Yesu, lisuuviridzwa lyetu;

1 Timoteo 5:17

Avakulundu avamehanga bulahi va volwe va dukani nelidzominywa lya kaviri, ligali yava ava nyankana ku mivinzi gyelivola nomu lyegidza.

1 Timoteo 6:1

Ku vatugwa ava veye isi wenira va vole avanene vavo va dukani nelidzominywa lyosi, lieta lya Nyasaye halala namegidzo li ta nyegwa.

1 Timoteo 6:3

Ku vosi mundu na a leta amegidzo lugano lundi, kandi na a ta bugirira amakuva gobulamu, ago Mwami wetu Yesu Kristo, kandi megidzo aga hambana nelitibwa lya Nyasaye;

Tito 1:3

navutswa mu tsi nyinga tsitsye mwene ya lang'aminya likuva lilye mu lilwadza, lya nda kolwa mulindi kuli lilaga lya Nyasaye Muhonnyi wetu;

Tito 3:4

Navutswa ubulahi bwa Nyasaye Muhonnyi wetu nobuyanzi bwibwe bwa a yanza avandu lwa bwa lang'ama,

1 Petro 2:12

ligenda lyenyu li ve lilahi mu Tsihiri; mu yaga ga va vola ku mwinye kuli mu veye ava kola ubudamano, ga ve kuvo, kigira vikolwa vyenyu vilahi vya va lola vidzominye Nyasaye ku lidiku lyokuhenzwa.

1 Petro 3:16

mu veye nomwoyo mulahi; mu likuva lya mu hudziridzwa, va duke kuva netsisoni yavo ava nyega ligenda lyenyu lilahi li veye mu Kristo.

2 Yohana 1:9

Ku vosi wimiriranga nokuvula kumenya mu megidzo ga Kristo, si a veye na Nyasaye: uyu u menya mu megidzo, a veye na Dada no Mwana.

1 Samweli 22:14

Hene yaho Ahimeleku ya tivulira mwami, na a mu volera, Ku vatumekiri vovo vosi, u li ha kuvo u veye musuuvirifu ku leng'ana na Daudi, u veye navizala womwami, wa bugirirwa mu makuva gogo, welidzominywa mu inyumba yoyo?

1 Samweli 26:23

Na Yahova a la tunga mundu sa mulala ubulungi bwibwe nobusuuvirifu bwibwe; kigira Yahova ya ku vika mmukono gwange lero, na si mbugirira kunyira mukono gwange ku mbakewa Yahova.