Tito 1:8 - KITABU KITAKATIFU

⁸ navutswa a ve mwingiridzi wavageni, u yanza ubulahi, wobugeeri bwere, wobulungi, mutakatifu, welinda mwene;

Tito 1:8 ပူးပေါင်းရင်းမြစ်များ

1 Avami 5:1

Na Hiram mwami wa Turo ya tuma vatumekiri veve ku Solomoni; kigira ya hulira amakuva va mu vaki maguta a veye mwami mbugono bwa dada wewe: kigira Hiram ya li muyanzi wa Daudi kazozo.

1 Avami 5:7

Na ga duka, Hiram lwa ya hulira makuva ga Solomoni, ya yanza ligali, na a vola, Yahova a santidzwe lero, wa ha Daudi mwana wobugeeri igulu wavandu avanene yava.

Zaburi 16:3

Na ku avatakatifu ava veye mu lirova, Va veye avalahi, avobuyanzi bwange bwosi bu veye muvo.

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Luka 2:25

Henza, ya li ho mu Yerusalemi mundu, wa langwa lieta lilye Simeoni; mundu uyu ya li mulungi wa tia Nyasaye, wa linda lihodzeridzwa lya Israeli: kandi Roho Mutakatifu ya li kuye.

Vikolwa 24:25

Paulo lwa yilwadza ku bulungi, kandi ku kwelinda bulahi, nelikalaga lidzanga, ubutii bunyingi bwa gumira Felike, kandi ya tivula na a vola, Kalunu u tsie; na inze lwa na ndole ubwiyangu na nku lange.

1 Vatesalonike 2:10

Mwinye mu veye avalolekidzi, kandi Nyasaye, kuli wa kwa li nolugendo lwobutakatifu nobulungi, bugira kindu ku kwinye imbiri wenyu mwinye avasuuviri:

1 Timoteo 3:2

Kunangwa ga dukira muhenzi a vule kuva nekindu kuye, a ve musatsa womukali mulala, u ta li mubitiriru, mwelindi, mulohidzi, mwingiridzi wavageni, wetsingulu tsyokwegidza;

1 Timoteo 4:12

U ta leka mundu kali mulala a lege ubuyai bubwo; navutswa u ve kyokuhenzera ku kyavasuuviri, mu livola nomu ligenda, nomu liyanza, nomu lisuuvira, nomu lyetakasa.

1 Timoteo 6:11

Navutswa ive, O mundu wa Nyasaye wiruke vindu yivi; u londe buiungi, nelitibwa lya Nyasaye, nelisuuvira, nobuyanzi, nobwikudziri, nobuhooma.

2 Timoteo 2:22

Navutswa wiruke likayirwa lidamano lyobuyai, navutswa u londe ubulungi, nobusuu virifu, nobuyanzi, nemirembe, halala na yavo avaniranga Mwami mu myoyo milahi.

2 Timoteo 3:3

ava ta li nobuyanzi bu dukananga, na va ta huliridzana, navahudziridzi, ava tegaya, avalulu, ava ta yanza ubulahi,

Tito 2:7

Ku vindu vyosi welang'aminye u ve kyokuhenzera ku kyemiyinzi milahi; mu megidzo gogo u lang'aminye aga tonekanga nobugoosi,

1 Yohana 3:14

Ku manya kwinye ku mali kutwula mu likudza kwingira mu livamwoyo, kigira ku yanza avamitu. U ta yanza a menya mu likudza.

1 Yohana 5:1

Ku vosi u suuvira Yesu ni Kristo, yivulwa kutwula ku Nyasaye: kandi u yanza wa mwivula, a yanza kandi wivulwa kutwula kuye.

1 Samweli 18:1

Na ga duka, lwa ya mala kuvolerana na Saulo, mwoyo gwa Jonathan gwa hambana nomwoyo gwa Daudi, Jonathan ya mu yanza kuli yeyanza mwene.