Tito 1:7 - KITABU KITAKATIFU

⁷ Kigira muhenzi ga mu dukiranga a ta va nekindu kuye, kuli mulindi wa Nyasaye; a ta va muhindagiridzi, a ta va u vihirirwa bwangu, a ta va muhambiki, a ta va mukuyi, a ta va mukayirwi wevyambeti vidamano;

Tito 1:7 ပူးပေါင်းရင်းမြစ်များ

Litanga 49:6

O mwoyo gwange, u tingira mu makuva gavo; Ubukumi bwange, u ta sanga mu livugana lyavo; Kigira mu butima bwavo viita mundu, Kandi mu budinyu bwemyoyo gyavo va tegula lugaga.

Tsing'ano 14:17

Uyu u vihirirangwa bwangu a la kola agobusiru; Na mundu wetsiganagani tsindamano a dunyirangwa.

Tsing'ano 15:18

Mundu mululu a viridzanga lihing'ana; Navutswa uyu mwikudziri wobutima a gayidzanga lihing'ana.

Tsing'ano 16:32

Uyu mwikudziri ku butima a veye mulahi kuvita avaluviriri; Na uyu wamehanga mwoyo gwigwe a veye mulahi kuvita u vugulanga lidala.

Kohelethu 7:9

U ta va nomwoyo gwokuhyuhyukana kuduka kuvihirirwa: kigira ubutima bu me nyanga mu viritu vyavasiru.

Isaya 28:7

Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Ezekieli 44:21

Kandi umusalisi kali mulala a la vula kunwa iwaini, lwa vingira mmugidzi gwomugati.

Kyavalevi 10:9

U ta nwa iwaini, kinga kyokuhambikidza, ive, kinga avana vovo halala nive, lwa mwingira mu lihema lyokuvuganira mu, mu vule kukudza: yili li la va lilaga lyemihiga nemihiga mu visukululwi vyenyu vyosi:

Matayo 24:45

Mutugwa mulahi nomugeeri ni bwaha, womwami wewe a vika a ve munene wenyumba yeye, kuvaha vyokulia vyavo vyetsinyinga tsi duka?

Luka 12:42

Naye Mwami ya vola, Ibwaha ni mulindi mulahi nomugeeri, womwami wewe a li vika ku avenyu mba yeye kuvaha vyokulia vyavo vya kase?

Vafeso 5:18

Kandi mu ta hambika iwaini i veye nekivihiri, navutswa mwizuye Roho.

Vafilipi 1:1

Paulo na Timoteo avatugwa va Kristo Yesu, ibaruua yiyi i duke ku vatakatifu vosi mu Kristo Yesu ava veye ha Filipi, halala navahenzi navatumwa:

Tito 1:5

Kigira yaga nda ku leka Kirete, u duke kudukidza vindu vyosi vya gehera, nokuvika avakulundu mu madala gosi kuli nda ku laga:

Tito 2:3

kandi avakali avakulundu va ve ndiyo, va ve neligenda li dukananga nobutakatifu, va ta va avahudziridzi, kinga avatugwa vewaini inyingi, va ve avegidzi avevindu vilahi;

1 Petro 4:10

kuli mundu sa mulala ya nyola kihaanwa, ni mu ki tumekira hagati henyu, kuli avalindi avalahi vetsimbabasi tsya Nyasaye tsi veye tsing'ano tsinyingi.

1 Petro 5:2

Mu linde kyayo kya Nyasaye ki veye ku mwinye, nokukihenza, ga ta va ku linigwa, navutswa ku mwoyo gwobuyanzi, kuli ubulaliri bwa Nyasaye: kandi ga ta va kigira linyola ubutugi budamano, navutswa nomwoyo gwobugulu;

2 Petro 2:10

navutswa kuvita ni yavo ava londanga mu mubiri mu likayirwa lyekifwabwi, nokulega ubwamehi. Avobuluviriri mu budamano, avahingi, ava vula kudegera ku livola amanyego ku ga kuminyangwa: