Tito 1:3 - KITABU KITAKATIFU

³ navutswa mu tsi nyinga tsitsye mwene ya lang'aminya likuva lilye mu lilwadza, lya nda kolwa mulindi kuli lilaga lya Nyasaye Muhonnyi wetu;

Tito 1:3 ပူးပေါင်းရင်းမြစ်များ

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 45:15

Ligali ive u veye Nyasaye wivisanga mwene, O Nyasaye wa Israeli, Muhonyi.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Danyeli 11:27

Ku makuva ga avami yava vombi, myoyo gyavo gyi la va kukola ubwononnyi, na va la veherana ha imeza indala: navutswa si ga la genda bulahi; kigira kiheri ki la va ku inyinga i lageywn.

Danyeli 8:23

Na mu inyinga yekiheri kyobwami bwavo, lwa avahyoli va mali kudukidzwa, mwami weligondo lilulu, kandi u hu liranga amakuva madinyu, a la singira.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Habakuk 2:3

Kigira malola yaga kali kalunu ga veye genyinga ya lagwa, na ga kolanga bwangu kuduka ku kiheri, na si ga la vola ububehi mba: kali ni ga lindagira, u ga lindirire; kigira ligali ga ladza, si ga la lindagira mba.

Marko 1:15

na a vola, Inyinga i duki, nobwami bwa Nyasaye bu veye himbi: mweganire, mu suuvire ivangeli.

Marko 13:10

Litanga ivangeli i lilwadzwa mu tsihiri tsyosi.

Marko 16:15

Ya va volera Gendi mu tsie mu lirova lyosi mwilwadze ivangeli ku vandu vosi.

Luka 1:47

Roho gwange gu yanza ku Nyasaye Muhonnyi wange.

Vikolwa 10:36

Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)

Vikolwa 17:26

Kandi ya lomba tsihiri tsyosi tsyavandu va twule ku mulala kumenya ku lirova lyosi, kandi ya haana munwa gwemihiga, na a kola tsinzako tsyevivala vyavo;

Varumi 15:19

mu tsingulu tsyevilolekidzu nevyokugenya, mu tsingulu tsya Roho Mutakatifu; kuduka kutwula Yerusalemi, netsimbega tsyosi kuduka Iluriko, nzilwadzi ivangeli ya Kristo ligali;

Varumi 16:25

Kalunu ku uyu u nyala kuluviridza mwinye kuli ivangeli yange kandi kuli lilwadza lyamakuva ga Yesu Kristo, kandi kuli livuulika lyagaviswa ga vikwa makiriri mu tsinyinga tsyemihiga nemihiga,

Varumi 16:26

navutswa kalunu ga lang'aminyeywi ku makuva ga vaprofeti, kuli lilaga lya Nyasaye u veye wemihiga nemihiga ga mannyeywi ga duke ku Tsihiri tsyosi va duke ku lihulira lyelisuuvira:

Varumi 5:6

Kigira inyinga kwa li ni ku ta li netsingulu avene, inyinga lwa ya duka, Kristo ya kudzera avebaali.

1 Vakorintho 9:17

Kigira ni nkola yaga nobuyanzi bwange mwene, mbeye namadanyi: navutswa ni bu ta li ubuyanzi bwange mwene, mbebeywi ubulindi bwevangeli.

Vagalatia 4:4

navutswa liduka lyenyinga lwa lya duka, Nyasaye ya tuma Mwana wewe, yivulwa mu wekikali, yivulwa na a bofwa mu lilaga,

Vafeso 1:10

kuduka lilohidza lyetsinyinga tsyobudukiru, kuvungidza vindu vyosi mu Kristo, vindu vyomigulu, kandi vya hasi; ryosi muye, mbola.

Vafeso 2:17

Kandi yadza ni yilwadza mirembe ku mwinye ava mwa li hale, kandi mirembe ku yava ava li himbi:

Vafilipi 1:13

kuduka libofwa lyange li lang'ami mu Kristo ku vasikari vosi vomwami, noku vandi vosi;

Vakolosai 1:23

ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.

Vakolosai 1:6

i veye halala nemwinye; kuli wa i veye mu lirova lyosi nokwama makuyu nokumedeka, kuli wa i veye mu mwinye kandi, kutwula lidiku lya mwa hulira nokumanya tsimbabasi tsya Nyasaye mu geligali,

1 Vatesalonike 2:4

navutswa kuli wa Nyasaye ya ku bugirira ku kolwe avalindi vevangeli, ku vola ndiyo; si ku vola kuyanzidza avandu, navutswa Nyasaye u geridzanga myoyo gyetu.

1 Timoteo 1:1

Paulo, mutumwa wa Kristo Yesu kuli lilaga lya Nyasaye Muhonnyi wetu, na Kristo Yesu, lisuuviridzwa lyetu;

1 Timoteo 1:11

kuli ivangeli yobukumi bwa Nyasaye u gasidzeywi, ya nda kolwa mulindi wayo.

1 Timoteo 2:3

Yaga Ra veye malahi kandi agabugirirwa imbiri wa Nyasaye Muhonnyi wetu;

1 Timoteo 4:10

Kigira yaga ku yinziranga nokweguluhidza, kigira ku suuvira Nyasaye u veye mwoyo, u veye Muhonnyi wavandu vosi, kuvita wa yava avasuuviri.

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

Tito 2:10

va ta va averondehidzi, navutswa va lang'aminye ubusuuvirifu bulahi bwosi: va duke kusiaha amegidzo ga Nyasaye Muhonnyi wetu ku vindu vyosi.

Tito 2:13

ku henzerere lisuuviridzwa lyobugasu, nelilang'ama lyobukumi bwa Nyasaye munene no Muhonnyi wetu Yesu Kristo;

Likunula 14:16

Kandi uyu wikala ku lilesi yagulula inkonono yeye ku lirova; kandi lirova lya geswa.