Tito 1:2 - KITABU KITAKATIFU

² mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

Tito 1:2 ပူးပေါင်းရင်းမြစ်များ

Isaya 1:20

navutswa ni i va mu sula nokwebaala, kivavi ki la mu lia; kigira munwa gwa Yahova gu vola yaga.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Matayo 25:46

Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.

Marko 10:17

Lwa ya twula na a tsia ku inzira, mulala ya nyagula na a tsia ha ya li, na a mu sigamira, na a mu teva, Mwegidzi mulahi, nkola ndi nduke kunyola liva mwoyo li ta hera mba?

Marko 10:30

navutswa a la nyola kalunu, inyinga yiyi hali mia, tsinyumba, navamwavo, na vabotso, navamama, navana, nemilimi, halala nelidambidzwa; kandi mu inyinga yidza a la nyola liva mwoyo li ta hera.

Yohana 10:28

inze nga hedzanga livamwoyo li ta hera mba; ga la vula kudivz imihiga nemihiga, kandi si ha veye nomundu u li ga nyaga mu mkono gwarige

Yohana 17:2

kuli ive wa mu ha tsingulu ku inyama yemibiri gyosi, vosi va wa mu ha a va he livamwoyo li ta hera mba.

Yohana 17:24

Yava ava wa mpa, Dada, ha mbeye inze nyenya yava va ve ho, va duke kulola ubukumi bwange, bwa wa mpa: kigira wa nyanza, lirova li kikiri kutemwa muse.

Yohana 5:39

Mwinye mwenya mu mang'oda, kigira mu vola mu la nyola mu, livamwoyo li ta hera mba; kandi yaga nigo ga lolekidza ku inze;

Yohana 6:54

Uyu u lia inyama yomubiri gwange nokunwa masahi gange a veye nelivamwoyo li ta hera mba; kandi inze nda mu simugukidza ku lidiku lyekiheri.

Yohana 6:68

Simoni Petro ya mu tivulira, Mwami, ku tsia ku bwaha? Ive u veye namakuva gelivamwoyo li ta hera mba.

Vikolwa 15:18

Mwami a vola, wa kola vindu yivi vi manyekar e kutwula kale.

Varumi 1:2

ya ya tanga kulagira mu minwa gyavaprofeti veve mu mangoda ma takatifu,

Varumi 16:25

Kalunu ku uyu u nyala kuluviridza mwinye kuli ivangeli yange kandi kuli lilwadza lyamakuva ga Yesu Kristo, kandi kuli livuulika lyagaviswa ga vikwa makiriri mu tsinyinga tsyemihiga nemihiga,

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

Varumi 5:2

Ku nyoleye ku uyu inzira kigira lisuuvira lyokvwingira mu tsimbabasi yitsyi tsya ku singiye mu; nokusangala mu lisuuviridzwa lyobukumi bwa Nyasaye.

Varumi 5:21

kuli ubwoni bwameha mu likudza, kandi ndiyo tsimbabasi tsi nyala kwameha mu bulungi kuduka ku livamwoyo lyemihiga nemihiga mu Yesu Kristo Mwami wetu.

Varumi 5:4

kandi lyekudzira li leta libugirirwa; kandi libugirirwa li leta ubuluviriri:

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

Vakolosai 1:27

Yavo ava Nyasaye ya li vanza kuvavuulira bwa li ubutugi bwobukumi bwobuvisi yibu mu Tsihiri, obu veye Kristo mu mwinye, a veye lisuuviridzwa lyobukumi.

1 Vatesalonike 2:15

aviita Mwami Yesu, kandi avaprofeti, kandi va kunga kwinye, kandi si va yanzidza Nyasaye, kandi va hing'ana navandu vosi;

1 Vatesalonike 5:8

Navutswa kwinye kigira ku veye avombasu, ku ve nobu geeri bwetu, kwivike isalamba yomu kiritu yelisuuvira neyobuyanzi; negu dwa yekivya yelisuuvira lyobuhonnyi.

1 Timoteo 6:12

U dinye kulwana ubulwani bulahi bwelisuuvira, u gumire livamwoyo li ta here mba, lya wa langirwa, kandi weyama lyeyama lilahi imbiri wavaloli vanyingi.

1 Timoteo 6:19

vivikire akiba yomuse mulahi kuduka tsinyinga tsidzanga, va duke kugumira livamwoyo li veye lyeligali.

2 Timoteo 1:1

Paulo, mutumwa wa Kristo Yesu ku bulaliri bwa Nyasaye, kuli lisuuvira lyelivamwoyo li veye mu Kristo Yesu,

2 Timoteo 1:9

wa honnya kwinye na a ku langa nelilanga litakatifu, si ga li kuli miyinzi gyetu navutswa kuli ubulaliri bwibwe nelivererera lilye lya kwa hebwa mu Kristo Yesu imbiri wetsinyinga tsya kale,

2 Timoteo 2:10

Kigira yaga nzikudziranga ku vyosi kigira avatovole, navo kandi va duke kunyola ubuhonnyi bu veye mu Kristo Yesu halala nobukumi bu ta hera mba.

2 Timoteo 2:13

ni ku vula kusuuvira mwene a la menya musuuvirifu, kigira si a nyala kweyambakana mwene.

2 Timoteo 2:15

Wedinyiridze kwevika mu libugirirwa imbiri wa Nyasaye, mukoli wemiyinzi u vula kulegannywa, u tumekiranga bulungi likuva lyageligali.

Tito 2:13

ku henzerere lisuuviridzwa lyobugasu, nelilang'ama lyobukumi bwa Nyasaye munene no Muhonnyi wetu Yesu Kristo;

Tito 2:7

Ku vindu vyosi welang'aminye u ve kyokuhenzera ku kyemiyinzi milahi; mu megidzo gogo u lang'aminye aga tonekanga nobugoosi,

Tito 3:7

ku duke kuvolwa kuva nobulungi kigira tsimbabasi tsitsye, ku duke kukolwa ava lia miyandu kuli lisuuviridzwa lyelivamwoyo li ta hera mba.

1 Yohana 2:25

Lisuuvira lya ya ku suuviridza ni yili, liva mwoyo li ta hera mba.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

Yudasi 1:21

mwelinde mu buyanzi bwa Nyasaye, nokuhenzerera tsimbabasi tsyo Mwami Yesu Kristo kuduka ku livamwoyolyemihiganemihiga.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.

1 Samweli 15:29

Na kandi kuvita yaga, Munyali wa Israeli si a la veha kinga si a leganira; kigira si a veye umundu, a duke kweganira.