Ruth 3:13 - KITABU KITAKATIFU

¹³ Linda budiku buno, na ga la va mugamba, na a va na a dukidza ku ive ga dukiranga wenyumba ya himbi, nobulahi; a la kola ga dukiranga wenyumba ya himbi: navutswa na a vula kukolera ive ga dukiranga wenyumba ya himbi, hene yaho inze nda ku kolera, kuli Yahova a veye mwoyo: u gone kuduka mugamba.

Ruth 3:13 ပူးပေါင်းရင်းမြစ်များ

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

2 Vakorintho 1:23

Navutswa inze nzaniranga Nyasaye a ve muloli wange, ga veye kigira nda mu vererera si ntsitsa Korintho kuduka kalunu.

Vahebraina 6:16

Kigira avandu visuhanga ku munene: kandi mu mahangali gavo lisuha li veye kiheri kuduka kulungikidza amakuva.

Vakalagi 8:19

Naye ya vola, Avandu yavo va li avamwavo vange, avana va mama wange: kuli Yahova a veye mwoyo, mu va mwa honnya avandu yavo, nkano nda vula kumwiita.

Ruth 2:20

Na Naomi ya volera navizala wewe, Yahova a mu gasidze u vulanga kuleka kukolera ava veye mwoyo tsimbabasi, na kandi kuvo ava kudza. Na Naomi ya mu volera, Mundu uyu a veye ku aviko vetu, a veye mulala ku avenyumba yetu himbi.

Ruth 3:12

Na geligali mbeye wenyumba ya himbi, navutswa a ve ho mulala wa himbi kuvita inze.

Ruth 4:5

Kunangwa Boaz ya mu volera, Lidiku lya u gula mulimi ku mukono gwa Naomi, ga ku dukira kugugula ku Ruth Mumoabu, mukali wa uyu wa kudza, u duke kusingeridza lieta lilye ku miyandu gyigye.

Ruth 4:6

Na uyu wenyumba ya himbi ya vola, Inze si nyala kuvugula inze mwene, gase ndononnya miyandu gyange: ive u vugule ubwiyangu bwange kugugula; kigira inze si nyala kugugula.