Ruth 1:15 - KITABU KITAKATIFU

¹⁵ Na Naomi ya volera Ruth, Henza uyu muhalikwa wowo yirananga ku avandu veve, noku vanyasaye veve: na ive wirane u londe muhalikwa wowo.

Ruth 1:15 ပူးပေါင်းရင်းမြစ်များ

2 Avami 2:2

Elija ya volera Elisha, Wikale hano, mwadza; kigira Yahova u ntumi kuduka Beth-eli. Elisha ya vola, Kuli Yahova a veye mwoyo, na kuli ive u veye mwovo, si nda ku leka mba. Ma va sulunguta Beth-eli.

Zaburi 125:5

Navutswa ku yavo ava girunkana nga ku tsinzira tsyobukyamu, Yahova a la vimirira halala navo ava kola ubudamano. Mirembe gyi ve ku Israeli.

Zaburi 36:3

Makuva gomunwa gwigwe gu veye ubukyamu nobugadi: U leki kuva nobugeeri nokukola ubulahi.

Zefania 1:6

na yavo avirana inyima ava leka kulonda Yahova; na yavo ava vula kulonda Yahova, kinga kumwenya.

Livalidza 10:30

Naye ya mu volera Inze si ntsia mba; navutswa ndirana mu kivala kyange kyene, noku aviko vange mwene.

Luka 24:28

Navo va duka himbi kadala aka va tsitsa mu: naye ya fwana yenya kuvita.

Vahebraina 10:38

Navutswa mulungi wange a la va mwoyo kigira lisuuvira: Kandi ni yirana inyima mwoyo gwange si gu la mu yanza.

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.

Joshua 24:19

Na Joshua Ya volera avandu. Mwinye si mu nyala kutumekira Yahova; kigira a veye Nyasaye mutakatifu; a veye Nyasaye welikendeka; si a la mu sameha amahyolo genyu kinga ubwoni bwenyu.

1 Yohana 2:19

Va twula ku kwinye, navutswa si va li ku kwinye; kigira ni va veye ku kwinye, nkano va menya nekwinye: navutswa va twula ku kwinye va lolekidzwe vosi si va li ku kwinye.

Vakalagi 11:24

Si ga dukanga ive kuvugula kya Kemoshu munyasaye wowo ya ku ha kuvugula? Ni ndiyo vosi ava Yahova Nyasaye wetu ya lanya va twule imbiri wetu, kwinye ku la va vugula.

Ruth 1:14

Navo va ginga myoyo gyavo kandi, ni va lira: na Orpa ya busa navizala wewe; navutswa Ruth ya handa kuye.

Ruth 1:16

Na Ruth ya vola, U ta niga nku leke ive, nokwirana mbule kukulonda: kigira ha u tsitsanga, inze kandi nda tsia ho, ha u menya, inze nda menya ho; avandu vovo va la va avandu vange, na Nyasaye wowo a la va Nyasaye wange: