Nehemia 4:14 - KITABU KITAKATIFU

¹⁴ Na nda henza, nokusingira, nokuvolera avanene, nava mehi, navandu vandi avatigala, Mwi nye mu ta tia yavo mba: mwidzulitse Yahova, u veye munene noweliti hidza, na mu lwanire avamwavo venyu, navana venyu, avayai na vakana, navakali venyu, netsinyumba tsyenyu.

Nehemia 4:14 ပူးပေါင်းရင်းမြစ်များ

2 Samweli 10:12

U ve nobuluviriri, kwelolekidze ku veye avasatsa kigira avandu vetu, kandi kigira amadala ga Nyasaye wetu: na Yahova a kole aga a lolanga kuva malahi.

2 Kyetsinyinga 32:7

Mu ve avagulu, mu ve avaluviriri, mu ta tia mba kandi mu ta degera mba kigira mwami wa Asuria, kinga kigira kiduma kyosi kya a veye nakyo; kigira ku kwinye ku veye nomunene kuvita ku uyu:

Nehemia 1:5

nda vola, O Yahova, Nyasaye womigulu, Nyasaye munene wokutihidza, wokudu kidza lilagana netsimbabasi ku yavo ava mu yanza nokugumira amalago gege, nku goonya, mwadza:

Ayubu 37:22

Kasikasini i lolekanga bung'ereng'anu kuli bwethahabu: Nyasaye a vikangwa ubunene bwokutihidza.

Zaburi 143:5

Nzidzulitsa madiku ga kale Ng'anagana ku likola lilyo lyosi; Na ng'anagana miyinzi gyamakono gogo,

Zaburi 20:7

Avalala va suuvira magari, navalala va suuvira tsiparasi; Navutswa kwinye ku la tala lieta lya Yahova Nyasaye wetu.

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 65:5

Nevindu vyokutihidza u li ku tivulira mbulungi, O Nyasaye wobuhonywi bwetu, Ive u veye kisuuviri kyeviheri vyosi vyelirova, Kandi kya yavo ava veye ihale ku inyanza:

Zaburi 66:3

Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

Zaburi 66:5

Hambi, mu lole vikolwa vya Nyasaye; Miyinzi gyigye gyi veye nelitibwa ku avana va avandu.

Kutwula 14:14

Yahova a la mu lwanira, na mwinye mu la kiring'ana.

Kutwula 14:25

Na ya twulidza tsingida tsyamagari gavo, ni ga gendidzwa nobudinyu; kuduka Avaegepeti va vola, Kwiruke kutwula imbiri wa Israeli; kigira Yanova a va lwanira ku Avaegepeti.

Kohelethu 12:1

Widzulire Mulombi wowo mu madiku gobusoleli bubwo, madiku madamano ni ga kikiri kuduka, na mihiga kwisunda himba, gya u li vola ku makuva gagyo, si mbeye nobusangali kandi mu mihiga yigyi;

Danyeli 11:32

Na yava ava kola ubwebaali ku lilagana a la va girunkannya namakuva gobugohi; navutswa avandu ava manya Nyasaye wavo va la va netsingulu, nokukola vyokugenya.

Zekaria 14:3

Hene yaho Yahova a la twula, nokulwana netsihiri zana kuli lwa ya lwana mu lidiku lyobulwani.

Livalidza 14:9

Navutswa mu ta hing'ana na Yahova, kandi mu ta tia avandu vekivala; kigira va veye ubukima bwetu: na kiriri kyokukinga kyavo kya twulidzwa kuvo, na Yahova a veye halala na kwinye: mu ta va tia mba.

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Kwidzulitsa 1:21

Henza, Yahova Nyasaye wowo u viki kivala yiki imbiri wowo: wanegire, u ki gumire, kuli Yahova, Nyasaye wavaguga vovo, ya ku volera: u ta tia kinga u ta kudza mwoyo.

Kwidzulitsa 10:17

Kigira Yahova Nyasaye wenyu, niye Nyasaye wa avanyasaye, nomwami wavami, Nyasaye munene, wetsingulu, nelitihidza, u vulanga kuhenza liloleka lyavandu, kinga kuvugula vikukula.

Vahebraina 13:6

Kunangwa ku luvirira kuvola, Mwami a veye mukonyi wange; si nda tia mba: Avandu va la nkolera ki?

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Vakalagi 3:27

Kunangwa, lwa ya duka yo, ya kupa kisiliva mu kivala kyevigulu kya Efiraim; navana va Israeli va sulunguta halala naye kutwula mu kivala kyevigulu, naye ya vimirira.