Nehemia 10:37 - KITABU KITAKATIFU

³⁷ kandi ku lete ubuhya bwobukima bwetu buvisi, nevihaanwa vyetu vyokudigululwa, namakuyu gemisala tsing'ano tsyosi, iwaini namaguta, kuvileta ku vasa lisi, kuvivika mu tsinyumba tsye nyumba ya Nyasaye wetu; nezaka yemilimi gyetu kuhaana ku Valevi; kigira yavo Valevi va vugulanga izaka mu madala gosi yelilima lyetu.

Nehemia 10:37 ပူးပေါင်းရင်းမြစ်များ

2 Kyetsinyinga 31:6

Navana va Israeli na Yuda, ava menya mu madala ga Yuda, navo kandi va leta izaka yetsing'ombe na yamago ndi, na izaka yevindu vya takaswa vya vikwa ku Yahova Nyasaye wavo, na va vi vungidza vitumi nevitumi.

Nehemia 13:10

Na nda manya Valevi si va hebwa vidieli vyavo; na kigira yaga Valevi, navokwimba, ava kola mi yinzi, va li ni viruki sa mulala kutsia ku mulimi gwigwe.

Nehemia 13:12

Hene yaho Vayuda vosi va leta izaka yobuswage na yewaini, na yamaguta mu akiba.

Nehemia 13:5

ya li ni ya mu lombera inyumba inene, na ha zana na hokutwula kale vya vikangwa ho vihaanwa vyobusie, na ubane, neviju, netsizaka tsyobuswage, netsyewaini, na tsyamaguta, kya Valevi va hebwa, navokwimba, navo kulinda viribwa, kigira lilaga, kandi vihaanwa vyokudigululwa vi ve vya vasalisi.

Nehemia 13:9

Hene yaho nda laga, navo va takasa tsinyu mba zana: kandi nda leta viju zana vyenyumba ya Nyasaye, nokuvi vika halala nevihaanwa vyobusie, na ubane.

Kutwula 13:12

u vi haana ku Yahova, vosi ava kunula inda, na vyosi vi tanga kwivulwa ku mitugu; vyosi vyekisatsa vi la va vya Yahova.

Kutwula 13:2

Mu ntakasire vosi avatanga kwivulwa, ku vyosi ki tanga kukunula inda, hagati ha vana va Israeli, ku vandu noku mitugu; vi veye vyange.

Kyavalevi 23:17

Mu la twulidza mu tsinyumba tsyenyu ubukima tsimango tsiviri tsyokuhungudzwa tsya vidieli viviri vyelikumi vya efa: tsi la va tsyobusie bunyuki, tsi la va tsyominywa halala na mamera, kuva ubuhya ku Yahova.

Malaki 3:10

Mu lete izaka yosi mu gi vike mu kidera, kyokulia ki ve mu inyumba yange, mu ngeridze mu inkuva yiyi, Yahova wa mahe a vola, inze ni mbula kumwigulira madirisha gomigulu, nokutsuka ku mwinye ubugasu, ha la vula kuva nobwiyangu kubunyola.

Malaki 3:8

Mundu a liba vya Nyasaye? Navutswa mwinye mwibanga vindu vyange. Navutswa mu vola, Kwibanga ndi vindu vivyo? Ga veye ku zaka na tsisadaka.

Livalidza 18:15

Ku vyosi kigulanga inda, kya vyomubiri vyosi vya va haana ku Yahova, mu avandu, nomu tsinyama, ki la va kikyo: navutswa uyu wa tanga kwivulwa na avandu, ligali u la mu tungira, na yiki kya tanga kwivulwa na tsinyama tsi ta li tsiseredze u la tsi tungira.

Livalidza 18:18

Na inyama yavyo i la va yoyo, kuli indasi yokuhungudzwa na kuli kinama kyomukono mulungi, i la va yoyo.

Livalidza 18:21

Na henza, mmali kuha avana va Levi, izaka yosi ya Israeli kuva miyandu gyavo kigira litumika lyavo lya va tumika, li veye ubutumiki bwelihema lyokuvuganira mu.

Varumi 11:16

Kandi ubuhya ni bu va ni bu veye butakatifu, lihumbi lyosi li veye ndiyo: kandi kitinya ni ki va ni ki veye kitakatifu, kandi tsisya tsi veye ndiyo.

Kwidzulitsa 14:22

U la haana izaka ku kidieli kyelikumi ku limedeka lyobugutsa bubwo, bu twulanga mmulimi gugwo muhiga nomuhiga.

Kwidzulitsa 18:4

Ubuhya bwobuswage bubwo, newaini yoyo, namaguta gogo, nobwoya bwokutanga bwa magondi gogo, u mu he vindu yivi.

Kwidzulitsa 26:2

u vugule ku makuyu gokutanga gosi agekivala, aga u vungidza mu kivala kikyo kya Yahova Nyasaye wowo a ku ha; u ga vike mu kihinda, u tsie ha Yahova Nyasaye wowo a la tovola a mennye ho lieta lilye.