Nahum 2:4 - KITABU KITAKATIFU

⁴ Magari gobulwani ga kupanga muliviti mu lihasi: ga levagala yiyi neyiyi mu mahasi magalamu: liloleka lyago li veye kuli tsimuli; ga nyagulanga kuli luheni.

Nahum 2:4 ပူးပေါင်းရင်းမြစ်များ

Tsing'ano 31:21

Si a veye nobutii ku avenyumba yeye kigira ubukindu bwelikonza; Kigira avenyumba yeye vosi va vikwa tsingubo tsinzakanyu.

Isaya 37:24

Ive u legi Yahova ku vatumwa vovo, nokuvola, Inze nzanegiye igulu kuduka ku isongo yevigulu, nobunyingi bwamagari gange gobulwani, nduki mugati mwa Lebanon; nda tema mitaragwa gyagwo mitambi nemisala gyagwo mitovole; ndingira mugati mugwo hadiguluku ha veye ihale ligali, mulitu gwomulimi gwi gwe gwamanga;

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Jeremia 4:13

Henza a lanegira kuli amalesi, namagari gege gobulwani ga la va kuli kihudzudzi: tsiparasi tsitsye tsi veye netsimbiru kuvita tsindidzu. Bayaye ku kwinye kigira ku lanyeywi.

Jeremia 46:9

Mwanegire, mwinye tsiparasi; mwi gingire, mwinye magari gobulwani; avaluviriri; va tsie kyova: Kushi na Putu, ava tumekiranga tsikuti; na Valudim, ava tumekiranga ubuta, nokubunyira.

Ezekieli 23:24

Va ladza ku ive nevyuma vyavo, namagari gobulwani, namagari geviju, nobunyingi bwavandu; va la lomba lihe ku ive, netsingavo, netsikuti na tsigudwa tsyobulwani, kukukumbiridza: na nda va ha likalaga navo va la ku kalagira kuli likalaga lyavo.

Ezekieli 26:10

Kigira ubunyingi bwetsiparasi tsitsye ulugukyi lwatsyo lu la ku kunika: amadigi gogo ga la degera kigira umuliviti gwavanina ku tsiparasi, na gwa magari ageviju, na gwa magari agobulwani, lwa yingira mu viribwa vivyo, kuli wa avandu vingiranga mu lidala lya sasugulwa.

Ezekieli 26:7

Kigira Mwami Nyasaye a vola ndi: Henza, nda leta Nebukadirezaru mwami wa Babuloni, yadze ku Turo uyu mwami wavami, u twulanga ku luvega lwa kasikasini, halala netsiparasi, narnagari gobulwani, navanina ku tsiparasi, nekiduma, navandu vanyingi.

Danyeli 11:40

Kandi inyinga yekiheri mwami wa kusini a la hing'ana naye; na mwami wa kasikasini a la mu twulira kuli kihuudzudzi halala namagari gobulwani, navasikari vokunina ku tsiparasi, nobwato bunyingi; naye a lingira mu vivala yevyo, nokusalama, nokuvita hagati.