Nahum 1:7 - KITABU KITAKATIFU

⁷ Yahova a veye mulahi, a veye impinga ku lidiku lyekivi; a manya yava ava suuvira kuye.

Nahum 1:7 ပူးပေါင်းရင်းမြစ်များ

1 Kyetsinyinga 16:34

O santidza Yahova; kigira a veye mulahi; Kigira tsimbabasi tsitsye tsi veye ho mihiga nemihiga.

1 Kyetsinyinga 5:20

Na va konnywa kulwana navo, na Vahagari va vikwa mmakono gavo, halala navosi ava li halala navo; kigira vanira Nyasaye ni va veye mbulwani, naye ya bugirira lisaala lyavo; kigira va vika lisuuvira lyavo muye.

2 Kyetsinyinga 13:18

Nandiyo avana va Israeli va gwa avadedekere inyinga yeyo, navana va Yuda va guuta, kigira vesedema ku Yahova Nyasaye wavaguga vavo.

2 Kyetsinyinga 32:11

Si a li Hezekia u mu goonyanga, kumuleka mu likudza nenzala nobuluhu, na a mu volera, Yahova Nyasaye wetu a la ku honnya kutwula mu mukono gwomwami wa Asuria?

2 Kyetsinyinga 32:21

Na Yahova ya tuma ingelosi, na a twulidza avaluvi riri vosi, na viminri na vanyampara mu hokusosa ho mwami wa Asuria. Ma yirana mkivala kikye netsisoni mmoni. Na lwa ya duka mu inyu mba yomunyasaye wewe, yavo ava twula mmunda mwimwe va mwiitira yo nekivavi.

2 Kyetsinyinga 32:8

kuye ha veye nomukono gwekinyama; na vutswa ku kwinye ha veye na Yahova Nyasaye wetu, wokukonya kwinye, nokukulwanira ubulwani bwetu. Na vandu vesedema ku makuva ga Hezekia mwami wa Yuda.

Ezara 3:11

Na vembirana avene na avene mu lidzominya nelisantidza Yahova, ni va vola, Kigira a veye mulahi, kigira tsimbabasi tsitsye tsi veye ku Israeli netsyemihiga nemihiga. Navandu vosi va ginga myoyo gyavo ni va hanzuka, lwa vidzominya Yahova, kigira muse gwenyumba ya Yahova gu mali kutemwa.

Zaburi 1:6

Kigira Yahova a manya inzira ya avalungi; Navutswa inzira ya avoni i la diva.

Zaburi 100:5

Kigira Yahova a veye mulahitsimbabasi tsyobuyanzi tsitsye tsi veye tsyemihiga nemihiga, Nobusuuvirifu bwibwe bu dukanga ku makula gosi

Zaburi 20:1

Yahova a ku tivulire mu lidiku lyekivi; Lieta lya Nyasaye wa Yakobo likalidze ive igulu;

Zaburi 25:8

Yahova a veye mulahi na mulungi: Kunangwa a legidza avobwoni ku inzira.

Zaburi 27:5

Kigira mu lidiku lyekivi, a la ninda makiriri mu lihema lilye: Mu king'odze kyelihema lilye a la nkinga; A la nsingeridza ku lwanda.

Zaburi 37:39

Navutswa ubuhonnyi bwavalungi bu veye ku Yahova: A veye lugaga lwavo mmadiku gekivi.

Zaburi 37:40

Yahova a va konya, na a va sola: A va sola ku avadamano, na a va honnya, Kigira vivisi muye.

Zaburi 46:2

Kunangwa si ku la tia, kali lirova li girunkanywa, Na vigulu vi degeridzwa mugati mwenyanza;

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Zaburi 59:16

Navutswa inze ndimba ku tsingulu tsitsyo; Yee, nda sangalira ku tsimbabasi tsitsyo mugamba: Kigira ive u veye ku inze hokwi visa mu hange hanene, Na hokuhonera hange mu lidiku lyekivi.

Zaburi 71:3

U ve ku inze lwanda lwobumenyi bwange, lwokwingira mu kazozo: U mali kulaga mbonywe; Kigira ive u veye lwanda lwange, na impinga yange.

Zaburi 86:7

Mu lidiku lyekivi kyange ndanira ive; Kigira u la ntivulira.

Zaburi 9:10

Navo ava manya lieta lilyo va la suuvira ive; Kigira ive, Yahova, si u leki ava kwenya ive.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Isaya 32:2

Na mundu a la va kuli hokwivisa ku mbuudza, na hoku kunika ku kihi; kuli migera gya madzi mu ahumu, kuli kiriri kyolwanda mu kivala kyeliluha.

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Jeremia 17:17

U ta va kyokutihidza ku inze: ive u veye kyokwivisa mu kyange ku lidiku lyobudamano.

Jeremia 24:5

Yahova, Nyasaye wa Israeli, a vola ndi: Kuli amakuyu malahi yaga ga veye, ni ndiyo ndi lola avahambe va Yuda, ava nda twulidza hano kutsia mu kivala kya Vakalidei, kuvakolera bulahi.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Lisyoma lya Jeremia 3:25

Yahova a veye mulahi kuvo va mu lindiranga, ku mwoyo gu mwenyanga.

Danyeli 3:28

Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

Danyeli 6:23

Ma mwami ya sangala ligali, na a haana munwa Danyeli a twulidzwe mu luhangaywa. Kunangwa Danyeli ya twulidzwa mu luhangaywa na si va nyola kuye tsimbala kali indala, kigira ya li ni ya suuvira Nyasaye wewe.

Joeli 3:16

Na Yahova a la huuma kutwula mu Zioni, na a la vola kutwula Yerusalemi, na ligulu na li rova li la degera: navutswa Yahova a la va ubuhaliru bwa avandu veve, na a la va lugaga lwa avana va Israeli.

Zefania 3:12

Navutswa nda leka hagati hoho avadambidzwa navadaka, na va la suuvira lieta lya Yahova.

Matayo 27:43

Ya suuvira Nyasaye; a mu honnye, kalunu na a va na a mu yanza: kigira ya vola, Inze mbeye Mwana wa Nyasaye.

Matayo 7:23

Hene yaho nda va volera, Si nda mu manya mba, mu twule ku inze, ava kola kirage.

Yohana 10:14

Inze mbeye mwayi mulahi; kandi nga manya aga veye agange, kandi agange ga mmanya,

Yohana 10:27

Magondi gange ga hulira mwoyo gwange, kandi inze nga manya, kandi ga nonda:

Varumi 11:22

U henze ubulahi nobululu bwa Nyasaye: ku yavo ava gwa ubululu; navutswa ku ive ubulahi bwa Nyasaye, nu u va nu u menya mu bulahi bwibwe: navutswa ni ga ta veye ndiyo ive kandi u leseganwa.

Vagalatia 4:9

navutswa kalunu ni mu mali kumanya Nyasaye, navutswa kindu kinene Nyasaye na a mali kumanya mwinye, ga veye ndi mwinye kwirana kandi mu megidzo ku matsyambiri amadedekere agobudaka, aga mwenya kugwa avatugwa vago kandi?

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.