Nahum 1:6 - KITABU KITAKATIFU

⁶ Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Nahum 1:6 ပူးပေါင်းရင်းမြစ်များ

1 Avami 19:11

Naye ya mu volera, Tsia kyova, u singire mu kigulu imbiri wa Yahova. Na, henza, Yahova ya vita ha zana, nekihudzudzi kinene kyetsingulu kya tandula vigulu, na kwatanya tsinyanda imbiri wa Yahova; navutswa Yahova si ya li mu kihudzudzi zana mba: inyima weki hudzudzi yikyo lidegera lyekivala lya li ho, navutswa Yahova si ya li mu lidegera zana yilyo mba:

Ayubu 26:11

Tsitiru tsyomwigulu tsi degeranga Na tsi genyanga ku ligondoka lilye.

Ayubu 40:11

U tsuke lizulira lyobutima bubwo; U henze sa mulala woluyai u mu legannye.

Ayubu 9:5

U twulidzanga vigulu, navyo ni vi ta manya, Lwa u li vi tung'aminya mbutima bwibwe.

Zaburi 130:3

Yahova, ive nu u va nu u henzeridza ubudamano, O Mwami, ibwaha u nyala kusingira?

Zaburi 2:12

Mu buse mwana, gase a la va nobutima, na mwinye mu divira ku inzira, Kigira ubutima bwibwe bu laaka bwangu. Va veye nobugasu vosi ava suuvira kuye.

Zaburi 76:7

Ive, na ive weng'ine, u veye we] itibwa; Na ibwaha u nyala kusingira imbiri wowo lwa u vihirirwa?

Zaburi 76:8

Kutwula migulu wa kola likalaga kuhulirwa; Lirova lya tia, na lya kiring'ana

Zaburi 90:11

Ibwaha u manya tsingulu tsyobutima bubwo Kandi ubutima bubwo kuli litibwa li dukana nive?

Isaya 10:16

Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

Isaya 13:13

Kigira yaga nda degeridza ligulu, nelirova yili li la sung'uswa li twule ha li vedzanga, mu ubutima bwa Yahova mu amahe, mu lidiku lyobutima bwibwe bululu.

Isaya 27:4

Ubutima bululu si bu veye mu inze: nkano lutavati na mafwa vya li ku inze mubulwani nkano nda ka salama kuvo, nokuvasambahalala.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 21:12

O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Lisyoma lya Jeremia 2:3

Lwiga lwosi lwa Israeli u lu kalagi mu butima bwibwe bululu; Wirannyi mukono gwigwe mulungi inyima gu vuli kuva imbiri wa avasigu: U sambi Yakobo kuli muliru gu dedimanga, u gu sambanga tsimbega tsyosi.

Lisyoma lya Jeremia 2:4

U nyiye ubuta bwibwe kuli musigu, u singiye nomukono gwigwe mulungi kuli mudambidzi, Na wiiti vosi ava loleka kuva avokuyanzidza imoni: Mu lihema lyomukana wa Zioni u tsuki ubutima bwibwe kuli muliru.

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 21:31

Nda tsuka ubutima bwange ku ive; nda ku huudza ku ive nomuliru gwobutima bwange; nda ku vika mu mukono gwavandu va veye kuli tsinyama, avasidza vokudividza.

Ezekieli 30:16

Na ndiakidza muliru mu Egepeti, Sini i la va mu litsunwa linene, na No li la donnywa vidonye; na Nofu li la va navadambidzi mu inyinga yombasu.

Ezekieli 39:6

Nda hila umuliru ku Magoga, noku vosi ava menyanga nemirembe mu visulu; navo va la manya inze mbeye Yahova.

Ezekieli 7:8

Kunangwa nda tsuka ubutima bwange ku ive bwangu, nokutwekidza ubutima bwange ku ive, na nda ku kalagira kuli tsinzira tsitsyo; na nda leta ku ive vivihiri vivyo vyosi.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Zefania 2:2

lwa lilaga li kikiri kwi vula, lwa lidiku yilyo li kikiri kuvita kuli mukuudzi, lwobutima bululu bwa Yahova bu kikiri kuduka ku mwinye, lwa lidiku lyobutima bwa Yahova li kikiri kuduka ku mwinye.

Malaki 3:2

Navutswa ni bwaha u nyala kumenya mu lidiku lyelidza lilye? Kandi ni bwaha u nyala kusingi ra lwa uyu a loleka? Kigira a veye kuli muliru gwo muhenzeridzi wefatha, ka ndi kuli isabuni yomwogidzi wetsingubu:

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Likunula 16:1

Kandi nda hulira mwoyo munene gu twula mu litempeli, ni gu volera tsingelosi vatano na vaviri, Mu tsie mwagulule vituva vitano na viviri vyobutima bwa Nyasaye ku lirova.

Likunula 16:8

Kandi wa kane yagulula kituva kikye ku liuva; nalyo lya hebwa lisamba avandu nomuliru.

Likunula 6:17

kigira li duki lidiku linene lyobutima bwavo; kandi ibwaha a nyala kusingira?