Nahum 1:3 - KITABU KITAKATIFU

³ Yahova a veye wagalaha ku butima, na a veye munene mu bunyali, si a la kola uyu u veye nekindu kuye kuva ougira mahyolo mba: Yahova a veye nenzira yeye mu kihudzudzi nomu kihi, amalesi ga veye lugukyi lwevirenge vivye.

Nahum 1:3 ပူးပေါင်းရင်းမြစ်များ

2 Samweli 22:10

Yinaminya ligulu kandi, yika hasi; Kisundi kinene kya li isi wevirenge vivye.

Nehemia 9:17

na va sula kugakola, kandi si va ganagana vyokugenya vya wa kola hagati havo, navutswa va kola amagoti gavo kuva madinyu, nomu bwebaali bwavo ve tovolera munyampara va duke kwira na mu butugwa bwavo. Navutswa h ive u veye Nyasaye wetegeki kusame ha, wetsimbabasi, na wizula liverere ra, wa galaha ku butima, nowobunyi ngi bwetsimbabasi, si wa va leka mba.

Ayubu 10:14

Ni nkola ubwoni, hene yaho u mbenzanga, Ive si u la sameha budamano bwange.

Ayubu 38:1

Hene yaho Yahova ya tivulira Ayubu mu kihudzudzi, nokumuvolera

Ayubu 9:4

A veye wobugeeri mmwoyo, wobunyali mu tsingulu: Ni bwaha wekola kuva mudinyu kuye, na a gasidzwa?

Zaburi 103:8

Yahova a veye wetsimbabasi na welivererera. Na wa galaha ku butima, na wobunyingi bwelivererera.

Zaburi 104:3

Walanga myaliru gyetsinyumba tsitsye ku amadzi; U kolanga malesi kuva ligarelilye; U genderanga ku tsimbaha tsye mbuudza;

Zaburi 145:8

Yahova a veye mulahi na wetsimbabasi; A veye wa galaha ku ubutima, na wetsimbabasi tsinene.

Zaburi 147:5

Mwami wetu a veye munene, na wobunyali ligali; Limanya lilye si li nyala kugerwa.

Zaburi 50:3

Nyasaye wetu yadzanga, na si a kiring'ana mba: Muliru gu sambanga imbiri wewe Na ku tsimbega tsitsye ki la va kuli kihi kinene.

Zaburi 62:11

Nyasaye u voye lulala, Hali kaviri mbuliye yaga, Tsingulu tsi veye tsya Nyasaye.

Zaburi 66:3

Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Isaya 29:6

Yahova wa mahe a ladza kuye netsinkupa, noku degeridza kivala, neliyoga linyingi, nekihudzudzi, nekihi, nolumemo lwomuliru gu sambanga.

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Jeremia 4:13

Henza a lanegira kuli amalesi, namagari gege gobulwani ga la va kuli kihudzudzi: tsiparasi tsitsye tsi veye netsimbiru kuvita tsindidzu. Bayaye ku kwinye kigira ku lanyeywi.

Danyeli 7:13

Nda lola mu malola gobudiku, na henza, mulala yadza halala na malesi gomigulu, ya li kuli mwana womundu, na ya duka kali ku Muhindira wa madiku, ni va mu dukidza himba imbiri wewe.

Hosea 8:7

Kigira va midzanga imbuudza, na va la gesa kihudzudzi: si a veye nobuswage bu singiranga; limera lilye si li la leta ubusie; ni li va ni li leta, avageni va la bu mira.

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Jona 4:2

Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi.

Zekaria 9:14

Na Yahova a la loleka kuva igulu kuvo: na mbano gwigwe gu la tsia kuli luheni; na Mwami Yahova a la kupa kisiliva, na a la tsia halala nekihudzu dzi kya kusini.

Livalidza 14:18

Yahova a veye wa galaha ku butima, na wobunyingi bwetsimbabasi, na wokusameha ubwoni na mahyolo; naye si a la kola uyu uekindu kuye kuva bugira kindu ku liva lyosi, u vikanga ubwoni bwavaguga ku avana vavo kuduka likula lya gavaka kandi lya gane.

Matayo 26:64

Yesu ya mu volera, Ive u voye: navutswa mmu volera, Inyinga yidzanga mu la lola Mwana wa Adamu yikaye ku mkono mulungi gwo Wetsingulu, ni yadza kumalesi gomigulu.

Yakobo 1:19

Avamitu avayanze, mu manya likuva yili. Navutswa mundu sa mulala a ve mwangu kuhulira, nomwihuliridzi ku livola, mwikudziri ku butima:

Likunula 1:7

Henza, yadza mu malesi; kandi tsimoni tsyosi tsi la mu lola, kandi ava mu tumita; kandi tsihiri tsyosi tsyelirova tsi la lira kuye. Yee, Amini.