Nahum 1:2 - KITABU KITAKATIFU

² Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Nahum 1:2 ပူးပေါင်းရင်းမြစ်များ

Ayubu 20:23

Lwa yizulitsa inda yeye, Nyasaye a la ta kuye ubululu lwobutima bwibwe, Nokubukupidza kuye inyinga na a veye mu lilia.

Zaburi 94:1

O Yahova, ive Nyasaye umbanzi wekisalya Ive Nyasaye umbanzi wekisalya, u ng'ereng'ane.

Kutwula 20:5

u ta vi sigamira mba, u ta vi tumekira mba; kigira inze Yahova Nyasaye wowo mbeye Nyasaye wokukendeka, u vikanga ubudamano bwavadada ku avana, kuduka ku likula lyakavaka kinga lya kane ku yavo ava dunyira inze,

Kutwula 34:14

(kigira u la vula kusigamira munyasaye wundi: kigira Yahova, welieta lilye li veye Wokukendeka, a veye Nyasaye wobukendeki);

Kutwula 34:7

u hedzanga avandu tsielfu liverererwa, musamehi wobudamano, na mahyolo nobwoni; na a la vula kuvola kali hakuzuzu, mudamano a veye mulahi, na wokuvika ubwoni bwavadada ku avana, noku avana va avana, ku likula lya gavaka noku lya gane.

Isaya 42:13

Yahova a la twula kuli mundu wanyala: a la vukidza ubugulu kuli mundu wobulwani: a la hanzuka, yee, a la kupa lwanga; a la kola vindu vyetsingulu ku vasigu veve.

Isaya 51:17

Vuka, vuka, singira, O Yerusa lemi, ive u nweye mmukono gwa Yahova kikombe kyobutima bwibweive u nweye amaseke gekikombe kyokukudegeridza, nokukikamulula.

Isaya 51:20

Avayai vovo va kudza myoyo, va gonanga mu viheri vyamahasi gosi, kuli imboongo mu mutego; vizuye ubutima bwa Yahova, ligondoka lya Nyasaye wowo.

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Jeremia 25:15

Kigira Yahova, Nyasaye wa Israeli, ya mbolera yaga: a vola, Vugula kikombe kyewaini yobutima mmukono gwange, u nwehidze tsihiri yitsi tsyosi, tsya nku tuma ku, va nwe.

Jeremia 28:8

avaprofeti ava li ho imbiri wange na imbiri wowo mmadiku ga vita va profeta ku vivala vinyingi, noku bwami bunene, va profeta makuva gobulwani lugano lugano, nagobudamano, nagobulwaye.

Jeremia 3:5

A la va nobutima bwibwe madiku gosi? A la tsitsagil'la nabwo kuduka ku kiheri? Henza, u voye na u koli vidamano, na u londi inzira yoyo mwene.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 50:15

Mu hanzuke kulyo tsimbega tsyosi; yegehidzi; vitaradzi vyalyo vi gwiye, madigi galyo ga tsomwa hasi; kigira ni livanza kisalya lya Yahova: mu vanze kisalya kuye; kuli ya kola, u mu kolere ndiyo.

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 36:6

Kigira yaga profeta ku kivala kya Israeli, u volere vigulu na tugulu, na migerera na mavona, u vole, Mwami Nyasaye a vola ndi: Henza, mmali kuvola mu likendeka lyange nombutima bwange, kigira mwinye mwa ginga tsisoni tsyetsihiri

Ezekieli 38:18

Ga la va ku lidiku yilyo Goga, lwa yanegira kwingira mkivala kya Israeli, Mwami Nyasaye a vola ubutima bwange bu la nina ku inze mu amolo gange.

Ezekieli 38:19

Kigira mu likendeka lyange nomu muliru gwo butima bwange mboye, Ligali mu lidiku yilyo ha la va nelidegera linene mu kivala kya Israeli;

Ezekieli 39:25

Kigira yaga Mwami Nyasaye a vola: Kalunu ndirannya kandi lyadikidzwa lya Yakobo, nokuvererera inyumba yosi ya Israeli; na nda kendekira lieta lyange litakatifu.

Ezekieli 5:13

Ni ndiyo ubutima bwange bu la dukidzwa, na nda malira ubutima bwange kuvo, na nda leminywa mwoyo: navo va la manya inze, Yahova, mbola mu likendeka lyange lwa ndi twekidza ubutima bwange kuvo.

Ezekieli 6:12

U veye ihale ligali a la kudza ku bulwaye zana; na u veye himbi a la gwa ku kivavi; na u tigala nokwigalirwa mu lidala a la kudza kigira inzala: ni ndiyo ndi twekidza ubutima bwange kuvo.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Joeli 2:18

Hene yaho Yahova ya kendekera kivala kikye, na a vererera avandu veve.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Mika 5:15

Na nda tungira kisalya mu livihirirwa nobutima ku tsihiri tsya vula kuhulira.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Zekaria 1:14

Ma ingelosi wa volerana ninze ya mbolera, Kupa lwanga, u vole, Yahova wa mahe a vola, Inze nkendekera Yerusalemi na Zioni nelikendeka linene.

Zekaria 8:2

Yahova wa mahe a vola: Nkendekera Zioni, likendeka linene, mbe nelikendeka lyobutima bunene kuye.

Livalidza 25:11

Finehasi, mwana wa Eleazaru, mwana wa Haruni musalisi, u girunkanyi ubutima bwange bu twulidzwe ku avana va Israeli, kigira ya kendekidzwa nelikendeka lyange hagati havo, kuduka inze mbule kudividza avana va Israeli mu likendeka lyange.

Varumi 12:19

Mu ta vanza kisalya mba, avayanze vange, navutswa mu lekere ubutima bwa Nyasaye bwiyangu: kigira ga ng'odwa, Kisalya ni kyange; inze mwene nda vanza, Mwami a vola.

Varumi 13:4

kigira a veye mutumwa wa Nyasaye ku ive kigira ubulahi. Navutswa ive nu u kola ubudamano, u tie; kigira si a gendera vutswa kivavi: kigira a veye mutu mwa wa Nyasaye, uyu wa mala kisalya kyobutima ku uyu wa kola ubudamano.

Kwidzulitsa 4:24

Kigira Yahova Nyasaye wowo a veye muliru gu litsanga, a veye Nyasaye welikendeka.

Kwidzulitsa 7:10

nokutunga mmoni mwavo ava mu dunyiranga a duke kuvononya: si yegadahalidza ku uyu u mu dunyiranga, a la mu tunga mmoni mwimwe.

Vahebraina 10:30

Kigira ku manya uyu wa vola, Isira ni yange, nda tunga. Kandi agandi, Mwami a la kalagira avandu veve.

Joshua 24:19

Na Joshua Ya volera avandu. Mwinye si mu nyala kutumekira Yahova; kigira a veye Nyasaye mutakatifu; a veye Nyasaye welikendeka; si a la mu sameha amahyolo genyu kinga ubwoni bwenyu.

2 Petro 2:9

Mwami a manya inzira yokuvahonnya mu ligeridzwa ava mu tia, nokuvika avadamano mu kivi kuduka ku lidiku lyelikalaga;