Mika 7:9 - KITABU KITAKATIFU

⁹ Ndekudzira ku ubutima bwa Yahova, kigira nda mu kolera ubwoni, a luhe a mbere, nokunkolera likalaga: a Iz ndeta mu bulavu, nda lola ubulungi bwibwe.

Mika 7:9 ပူးပေါင်းရင်းမြစ်များ

2 Samweli 24:17

Na Daudi, lwa ya lola ingelosi ya dividzanga avandu, ya volera Yahova, na a vola, Henza ni inze wa kola ubwoni, na nkoli ubukyamu; na vutswa magondi yaga, ga koli ki? Mwadza, mukono gugwo gu veye ku inze, noku inyumba ya dada wange.

Ayubu 23:10

Navutswa a manya inzira ya ntsitsa ku; Na a mali kungeridza nda twula kuli ithahabu.

Ayubu 35:14

Nasindi lwa ive u volanga, Si u mu henza, Likuva yilyo li veye imbiri wewe, na u lindiriranga uyu

Zaburi 119:154

U mberere ku inkuva yange, na u boholole: U mbukidze kuli likuva lilyo.

Zaburi 37:6

A la lang'aminya ubulungi bubwo, bu loleke kuli ubulavu, Na likalagirwa lilyo kuli mbasu hagati.

Zaburi 43:1

U nkalagire, O Nyasaye, na u mbere ku ihiri i ta tia Nyasaye: U mbonnye ku mundu mugadi nomukyamu.

Zaburi 7:6

U vuke, O Yahova, nobutima bubwo; Wenenehidze ku butima bwa vasigu bwange, U mbukire; u mali kulaga likalaga.

Zaburi 94:15

Kigira likalaga li lirana ku ubulungi; Na avemyoyo milungi va la bu londa.

Isaya 42:16

Nda leta avaboku ku inzira ya va ta manya; nda va hila ku tsinzira tsya va ta manya; nda kola kisundi kuva ubulavu imbiri wavo, na ha kyama nda lungekidza ho. Makuva yaga nda kola, si nda va leka mba.

Isaya 42:7

kukunula tsimoni tsi ta lolanga, kuvatwulidza mbuhambe avabofwa, na ava menyanga mu kisundi kuvatwulidza mu inyumba yavahambe.

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 51:22

Mwami wowo Yahova, Nyasaye wowo u verera avandu veve makuva gavo, a vola, Henza, inze ntwulidzi ku mukono gugwo kikombe kyokudegeridza, na maseke gekikombe kyobutima bwange; ive si u la nwa ku yiki kandi mba:

Isaya 56:1

Yahova a vola ndi, Mu linde likalaga, mu kole ubulungi; kigira ubuhonnyi bwange bu ve himbi, nobulungi bwange lilang'aminya lyabwo li veye himbi.

Jeremia 10:19

O bayaye ku inze kigira ulugoma lwange inkwagu yange i tsunanga ligali: navutswa nda vola, Ligali bu veye ubuverere bwange ga ndukira ku bu ginga.

Jeremia 14:7

Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

Jeremia 51:10

Yahova a leti kyova ubulungi bwetu: hamba, ku landidze mu Zioni miyinzi gya Yahova Nyasaye wetu.

Lisyoma lya Jeremia 1:18

Yahova nowobulungi; kigira inze nzebaaye ku lilaga lilye: Mwadza, mu huliye mwinye ava ndu vosi, mu lole livererera lyange: Avakana vagima vange, na vayai vange va tsiye mu lyadikidzwa.

Kyavalevi 26:41

inze kandi nda genda mu lihing'ana kuvo, na nda va leta mu kivala kyavasigu vavo: hene yaho myoyo gyavo gya vula kukebwa, ni gyi va ni gyi gehidzwa, navo va bugirira amageli gobwoni bwavo;

Malaki 3:18

Inyinga yeyo mu la galuka na mu lavukanya hagati ha valungi na vadamano, hagati ha uyu u tumekira Nyasaye na uyu u vula ku mu tumekira.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Timoteo 4:8

Lwenyima mbikeywi itaji yobulungi, yo Mwami mukalagi wobulungi, a li mpa mu lidiku yilyo; navutswa si a li inze tsyeng'ine navutswa yava vosi ava yanza lilang'ama lilye.

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

1 Samweli 24:15

Kunangwa Yahova a ve mukalagi, a kalage hagati hange nive, na a lole, na a vere makuva gange, na a mbonnye ku mukono gugwo.

1 Samweli 25:39

Na Daudi lwa ya hulira Nabali u mali kukudza, ya vola, A gasidzwe Yahova, wa hing'ana na Nabali ku likuva lyelinyegwa lyange, na ya gaya mutumekiri wewe ku budamano: nelikola lidamano lya Nabali, Yahova ya li galukidza ku mutwe gwigwe mwene. Na Daudi ya tuma mundu na a volerana na Abigaili, a duke kumukwa.

1 Samweli 26:10

Kandi Daudi ya vola, Kuli Yahova a veye mwoyo, Yahova a la mu duya; kinga lidiku lilye lyelikudza li la duka; kinga a la sulunguta mbulwani, na a la diva.

1 Samweli 3:18

Ma Samweli ya mu volera sa kilala, si ya mu visa kindu mba. Naye ya vola, Ni Yahova: a kole aga veye malahi kuye.