Mika 7:6 - KITABU KITAKATIFU

⁶ Kigira mwana a legannyanga dada wewe, nomukana a singiranga kuhing'ana na mama wewe, nomwiha a hing'ananga na navizala wewe; avasigu vomundu va veye yavo avenyumba yeye mwene.

Mika 7:6 ပူးပေါင်းရင်းမြစ်များ

Litanga 49:4

Usenukanga kuli amadzi, si u nyala kuva nobunene; Kigira wanegira kutsia ku kitali kya dada wowo; Hene yaho wa kyononnya: ya nina ku bugono bwange.

2 Samweli 16:11

Na Daudi ya volera Abishai, navatumekiri veve vosi, Henza, mwana wange, wa twula munda mwange yenyanga livamwoyo lyange: nasindi uyu Mubenjamini a la vula ndi kukola ligali kuvita yaga? U mu leke, u mu leke a nyege; kigira Yahova u mu lagi.

Zaburi 41:9

Yee, gamanyane wange, wa nda suuvira Uyu wa lagira ku bukima bwange, Ya ginga liki lilye ku inze.

Tsing'ano 30:11

Ha veye nelikula lya nyega dada wavo Na va vula kugasidza mama wavo.

Tsing'ano 30:17

Imoni i sekanga dada wewe, Nokulega lihulira mama wewe, Amajikolo gomwivona ga la gi somola, Na viminyo vyendidzu vi la gi lia.

Isaya 3:5

Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

Isaya 9:19

Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Jeremia 12:6

Kigira kali avamwavo vovo, nenyumba ya dada wowo, kali avandu yavo va ku koleye ubugadi; va ku kupiye uluku inyima wowo: u ta suuvira avandu yavo kali ni va ku volera amakuva malahi.

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Jeremia 9:4

Mu gelihe sa mulala nowakye, kandi mu ta suuvira ku amwavo; kigira amwavo sa mulala a likigitalidza ligali, nomutende sa mulala a la tsia yiyi na yiyi nokulandidza tsimbemba.

Ezekieli 22:7

Mu ive wa leganga dada na mama; hagati hoho va koleranga avageni lidambidzwa; mu ive va dambidza avabisa ndu navakunzakali.

Obadia 1:7

Avandu vosi avelihambana lilyo va ku hila imbiri ku inzira yoyo, kuduka ku lwako: avandu va li nemirembe ku ive va ku gada, na va ku guuta; yava ava lagiranga ubukima bubwo va tegi mutego isi wowo: si a veye nelimanya muye.

Matayo 10:21

Namwavo a la twulidza amwavo yiitwe, na ise a la twulidza mwana wewe: navana va la twulira avivuli, va kola viitwe.

Matayo 26:23

Naye ya tivula na a vola, Uyu wa ku donyera naye mu ludavo, niye a la nzama.

Luka 12:53

Va lavukana ise nomuyai, kandi muyai na ise; kandi mama nomukana, kandi mukana na mama wewe; navizala na navizala, kandi navizala na navizala.

Luka 21:16

Navutswa kali avivuli venyu navamwavo venyu, naviko venyu navalina venyu va la mu zama, na valala ku mwinye va la mwiite.

Yohana 13:18

Si ntali mwinye mwosi: inze mmanya ava nda tovola; navutswa ga duke kukolwa mang'oda, Uyu wa lagira ubukima bwange u gingi liki ku inze.