Mika 7:4 - KITABU KITAKATIFU

⁴ Uyu mulahi kuvo a veye kuli lutavati; na u veye mulungi a veye mudamano kuoita lwevo lwa mafwa: lidiku lyavalindi vovo, kali lidiku lyelivanzwa lilyo, li duki; kalunu li la va ho ligenya lyavo.

Mika 7:4 ပူးပေါင်းရင်းမြစ်များ

Isaya 10:3

Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

Isaya 22:5

Kigira ni lidiku lyokukupa kivi, nokuduvagirwa hasi, nelyokugenya, lya Yahova a leti, Yahova wa mahe mu livona lyamalola; mu lisambulwa lyamadigi, nelyaniravigulu.

Isaya 55:13

Mbugono bwelitagalu mutaragwa gu la mera mu; nobugono bwolutavati ulwuvu lu la mera mu: na ga la va gokuha Yahova lieta, kuva kilolekidzu kyemihiga nemihiga ki ta hera mba.

Jeremia 10:15

Vi veye vya vutswa, miyinzi gyobugotidzi: inyinga yelidukirwa lyavo vi la diva.

Jeremia 11:23

si ha la va u tigala kuvo: kigira nda leta ubuda mano ku avandu va Anathothu, livola li veye muhiga gwe lidukirwa lyavo.

Jeremia 46:21

Kandi avandu va li yo ava tungangwa ava veye hagati halyo va gwiye kuli vimoli vinetu; kigira yavo virana inyima kandi, viruka vosi halala, si va singira kali hakuzu: kigira lidiku lyekivi kyavo li duki kuvo, i veye inyinga yelihenzwa lyavo.

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Ezekieli 2:6

Na ive, mwana womundu, u ta tia avandu yavo mba, kandi u ta tia amakuva gavo mba, kali amafwa nolutavati ni vi veye halala nive, na ive u menya nga hagati ha tsing'e: u ta tia amakuva gavo, kandi u ta timuka enkola kigira lifwana lyavo, kali ni va veye inyumba yebaala.

Ezekieli 28:24

Si ha la va kandi nolutavati lu halulanga ku inyumba ya Israeli, kinga lifwa li saliridzanga kuvo vosi ava va kumbiridza, nokuvalega; na va la manya inze mbeye Mwami Nyasaye.

Amosi 8:2

Naye ya vola, Amosi, u lola ki? Na inze nda vola, Ndola kihinda kyamakuyu genyinga yoluya. Hene yaho Yahova ya mbolera, Avandu vange Israeli, kiheri kyavo ki duki kuvo; si nda va leka kandi mba.

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.

Luka 21:25

Kandi vi la va vilolekidzu ku liuva, noku mweli, noku tsing'ereng'ani; kandi ku lirova lihenda myoyo lyetsihiri, neligenya kigira muhumu gwenyanza neviguvuli vyayo,

Vahebraina 6:8

navutswa ni li leta amafwa nolung'ereng'ani, li sulangwa kandi li veye himbi kulaamwa, lyekiheri kyalyo ki veye lisambwa.