Mika 7:3 - KITABU KITAKATIFU

³ Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi.

Mika 7:3 ပူးပေါင်းရင်းမြစ်များ

Tsing'ano 16:30

Uyu u mwolidzanga tsimoni tsitsye a kolanga kuganagana vikyamu: Uyu u sunnyanga minwa gyigye a kolanga vidamano.

Tsing'ano 17:23

Mundu mudamano a vugulanga kikuikula mu kiritu A kyaminye tsinzira tsyelikalaga.

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 26:21

Kigira, henza, Yahova a twulanga hango hehe a kalagire avamenyanga ku lirova kigira ubudamano bwavo: na lirova li la lang'aminya amasahi galyo, si li la kunika avandu valyo aviitwa mba.

Isaya 3:5

Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

Isaya 32:7

Viju vya uyu mwimani vi veye vidamano: a saaviranga lisaavira lida mano a duke kudividza avahokya namakuva gobubehi, kali lwa avadambi va volanga agobulungi.

Isaya 5:23

avahedzanga mudamano ubulungi ni va vugula kikukula, na va nuula wobulungi ubulungi bwibwe.

Jeremia 3:5

A la va nobutima bwibwe madiku gosi? A la tsitsagil'la nabwo kuduka ku kiheri? Henza, u voye na u koli vidamano, na u londi inzira yoyo mwene.

Jeremia 4:22

Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Ezekieli 22:6

Henza avanene va Israeli, sa mulala kuli tsingulu tsitsye tsi veye va li mu ive kutahidza masahi.

Ezekieli 34:21

Kigira mwinye mwa luguta netsimbalu na namavega, nokutodza amalwaye netsinziga tsyenyu, kuduka kugasalannya yiyi na yiyi;

Ezekieli 9:9

Hene yaho ya mbolera, Ubudamano bwenyumba ya Israeli no bwa Yuda bu veye bunene ligali, nekivala yiki kizuye amasahi, nelidala yili lizuye likyaminya likalaga: kigira va volanga, Yahova u leki kivala yiki, Yahova a lolanga mba.

Hosea 4:18

Kyokunwa kyavo ki gwiye kilulu; va londanga malaya kazozo; avamehi veve va yanza tsisoni ligali.

Hosea 7:3

Va yanzidzanga mwami nobudamano bwavo, na va yanzidzanga avanene namakuva gavo gobubehi.

Amosi 5:12

Kigira mmanya kuli mahyolo genyu ga veye tsing'ano tsinyingi, na bwoni bwenyu kuli bu veye bwetsingulumwinye ava da mbidza avalungi, ava vugulanga vikukula, nokugirunkannya avadambi ha kiribwa va vule kunyola bulungi.

Mika 2:8

Navutswa madiku yaga avandu vange va singira kuli avasigu: mwinye mu va nuye ijoho mu tsingubo tsya yavo ava vitanga nemirembe kuli avandu va ta yanza ubulwani.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Mika 3:2

Mwinye avadunyiranga ubulahi, na mu yanza budamano; mwinye ava fuvulanga magodo gavo kutwula kuvo, nenyama yavo kutwula ku vigumba vyavo;

Matayo 26:15

na a vola, Mu nyala kumba ikindu ki, na inze mmu zamere mu mu gumire? Ni va mu gerera vidonye makumi gavaka vyefetha.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.