Mika 7:2 - KITABU KITAKATIFU

² U veye mulungi u divi kutwula ku lirova, si ha veye nomulala u veye mulungi mu avandu: vosi va gonekanga ku tahidza masahi; sa mulala a himanga amwavo wewe nomuluvo.

Mika 7:2 ပူးပေါင်းရင်းမြစ်များ

Zaburi 10:9

A setanga makiriri kuli king'ang'a mu lyevisa lyakyo; A seteranga avadedekere, a duke kuva hamba; A hambanga avadedekere, lwa a va kwesanga mu mutego gwi gwe.

Zaburi 12:1

U nkonye, Yahova; kigiralava tia Nyasaye va fweye; Kigira avasuuvirifu va kama mu avana va avandu.

Zaburi 12:2

Va volerananga ububehi sa mulala nowakye: Nolulimi ludoto, kandi nemyoyo gyiviri, va volanga.

Zaburi 57:6

Va lombeye virenge vyange mutego; Mwoyo gwange gwinaminywa hasi: Va yavi ubogo imbiri wange Avene va gwiye mu [Selaha

Tsing'ano 1:11

Ni va vola, Hamba, u tsie na kwinye Ku goneka kunyola masahi; Ku kolere u ta veye nelihyolo, iluku;

Tsing'ano 12:6

Makuva gavadamano ga veye mu ligoneka masahi; Navutswa munwa gwavalungi gu la va honnya.

Isaya 3:5

Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

Isaya 57:1

Mulungi a diva, na si ha veye nomundu u ga vika mmwoyo; avetsimbabasi va twulidzangwa, na si ha veye na u ganagana avalungi va twulidzwa ku budamano budzanga.

Isaya 59:7

Virenge vyavo vi nyagula tsimbiru kukola budamano, navo va kola bwangu kut ahidzo masahi ga ta li nekindu: tsiganagani tsyavo tsi veye tsyobudamano; mu mahasi gavo ha veye vutswa nobwoneku.

Isaya 9:19

Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Jeremia 16:16

Henza, nda tuma avandu kuleta avaluvi avanyingi, Yahova a vola, na va la va luva; na inyima wa yaga nda tuma avandu kuleta avahimi avanyingi, na va la va hima va twule mu vigulu vyosi, nomu tugulu twosi, nokutwula mu tsinkombe tsyamagina.

Jeremia 5:16

Imodia yavo i veye kilindwa kyalamu, va veye avetsingulu vosi.

Jeremia 5:26

Kigira mu avandu vange va loleki mu avadamano: va lindanga, kuli yavo ava gumiranga manyonyi mu ligoneka; va teganga mutego, va gumiranga avandu.

Jeremia 8:6

Nda huliridza, ni mbulira, navutswa si va vola bulungi: si ha veye nomundu kali mulala weganira ku ubudamano bwibwe, nokuvola, Nkoli ki? Sa mulala a gumiranga lugendo lwilwe mwene, kuli iparasi i gendanga tsimbiru kwingira mu bulwani.

Lisyoma lya Jeremia 4:18

Va himanga tsinduvatiru tsyetu, si ku nyala kugenda ku sinzira tsyetu: Kiheri kyetu ki veye himbi, amadiku getu ga dukidzi livalidza lyago; kigira kiheri kyetu ki duki.

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Ezekieli 24:6

Kunangwa Mwami Nyasaye a vola ndi: O layaye ku lidala lyamasahi, noku inyingu yetsisisiniya tsyayo tsi veye muyo, yetsisisiniya tsyayo tsi vule kutwula muyo u twulidze muyo kidonye nekidonye; ha ta va nekidieli kali kilala ki tigala muyo mba.

Hosea 5:1

Mu hulire yaga, O mwinye avasalisi, mu huliridze, O mwinye avenyumba ya Israeli, na mu tegidze amatu, O mwinye avenyumba yomwami; kigira likalaga li veye ku mwinye; kigira mwinye mwa li mutego ha Mizipa, nomuluvu gwa vikwa ha Taboru.

Hosea 6:9

Kandi kuli viduma vyavanuuli va gonekanga umundu, ni ndiyo kandi livugana lyavasalisi li veye ava lumindanga ku inzira i tsitsanga ku luvega lwa Shekem; yee, va koli budamano.

Mika 2:8

Navutswa madiku yaga avandu vange va singira kuli avasigu: mwinye mu va nuye ijoho mu tsingubo tsya yavo ava vitanga nemirembe kuli avandu va ta yanza ubulwani.

Mika 3:10

Vombakanga Zioni na masahi, na Yerusalemi nobudamano.

Mika 3:2

Mwinye avadunyiranga ubulahi, na mu yanza budamano; mwinye ava fuvulanga magodo gavo kutwula kuvo, nenyama yavo kutwula ku vigumba vyavo;

Zekaria 11:6

Kigira inze si nda vererera ava menyanga mu kivala yiki kandi mba, Yahova a vola: navutswa henza, nda va vika sa mulala mmukono gwomutende wewe, nommukono gwomwami wewe: na va la kuya kivala, na si nda va honnya kutwula mmakono gavo.

Vikolwa 24:9

Kandi Avayuda va bugirira, ni va vola vindu yivi ni ndiyo vya li.

1 Samweli 24:11

Nokuvita yaga, dada wange, henza, yee, henza ulukigiti lyengubo yoyo mmukono gwange; navutswa inkuva yiyi, yagira ni nkala lukigiti lwengubo yoyo, ni mbula kukwiita, u manye na u lole si ha veye nobudamano kinga ubukyamu mmukono gwange, na mbule kukola bwoni ku ive, kali ive no u seteranga livamwoyo lyange kuligumira.

1 Samweli 26:20

Kunangwa kalunu, u ta leka masahi gange ga sundulwe ihale na Yahova: kigira mwami wa Israeli u twuli kwenya kisiiri, kuli lwa mundu a tsitsanga kuhima inkwari mu vigulu.