Mika 7:17 - KITABU KITAKATIFU

¹⁷ Va la komba lugukyi kuli inzoka; kuli vimolanga vyelirova va la twula ha tsingo tsyavo ha lyevisa lyavo nelidegera, va la tsia ku Yahova Nyasaye wetu nokumutia, na va la lola ubutii kigira ive.

Mika 7:17 ပူးပေါင်းရင်းမြစ်များ

2 Samweli 22:46

Avandu va ihiri yindi va la niala, Va la twula mbugono ha vivisa nelidegera.

2 Kyetsinyinga 17:10

Na litihidza lya Yahova lya gwa ku bwami bwosi bwomu vivala bwa li ku tsimbega tsya Yuda, va vula ku kola bulwani na Jehoshafatu.

Zaburi 18:45

Avageni va la niala, Va la twula mbugono bwavo bwo kwivisa nelidegera.

Zaburi 72:11

Yee, avami vosi va la mu sigamira; Na tsihiri tsyosi tsi la mu tumekira.

Zaburi 72:9

Ava menya mwigendanyama va linama imbiri wewe; Na avasigu veve va la komba ulugukyi.

Zaburi 9:20

U vike ubutii kuvo, O Yahova: Avetsihiri va duke kumanya avene kuva avandu vutswa [selaha

Isaya 25:3

Kigira yaga avandu vetsingulu va la kuminya ive; Iidala lyetsihiri tsyelitihidza li la tia ive.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Isaya 60:14

Navana vayai va yavo ava dambi dza ive va ladza kukwinamira; na yavo vosi ava ku lega va leyinaminya avene ha tsinduvatiru tsitsyo; na va la ku langa, Lidala lya Yahova, Zioni lyo Mutakatifu wa Israeli.

Isaya 64:2

kuli lwa muliru gu sambanga luvonga lwomu mulitu, na muliru gu viridzanga amadzi; kuduka kuvuulira avasigu vovo lieta lilyo avetsihiri va duke kudegera imbiri wowo

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Isaya 7:19

Natsyo tsi ladza, na tsi la sosa tsyombi mivona li ta li navandu, nommalina gomu tsinyanda, nommafwa gosi, nomu viyairu vyosi.

Jeremia 16:16

Henza, nda tuma avandu kuleta avaluvi avanyingi, Yahova a vola, na va la va luva; na inyima wa yaga nda tuma avandu kuleta avahimi avanyingi, na va la va hima va twule mu vigulu vyosi, nomu tugulu twosi, nokutwula mu tsinkombe tsyamagina.

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Lisyoma lya Jeremia 3:29

A vike munwa gvwigwe mu lugukyi, ni i va lisuuviridza li veye ho.

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Kwidzulitsa 32:24

Inzala i la va dambidza, namanda gomuliru ga la va lia Nelidividzwa lilulu; Na nda leta kuvo amino getsinyama, Halala nobusungu bwevindu vi molanga mmarova.

Joshua 9:24

Navo va tivulira Joshua, ni va vola, Kigira kwa volerwa ligali, kwinye avatumekiri vovo, kuli Yahova Nyasaye wowo ya laga mutumekiri wewe Musa kuhaana ku mwinye kivala yiki kyosi, no kudividza avandu vosi vekivala yiki va twule imbiri wenyu; kigira yaga kwinye kwa tia ligali ku livamwoyo lyetu kigira mwinye, na kwa kola inkuva yiyi.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.

1 Samweli 14:11

Navo vombi velangaminya avene ku Vafilisiti volugaga: Vafilisiti va vola, Henzi, Vahebraina va twuli mbogo bwa vivisa mu.