Mika 7:14 - KITABU KITAKATIFU

¹⁴ U lihidze avandu vovo nempimbo yoyo, kyayo kyemiyandu gyigyo, yavo ava menyanga veng'ine, mu mulitu gu veye hagati ha Karimeli: vaye mu Bashan na Gileadi, kuli vaya mu madiku ga kale.

Mika 7:14 ပူးပေါင်းရင်းမြစ်များ

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Zaburi 143:5

Nzidzulitsa madiku ga kale Ng'anagana ku likola lilyo lyosi; Na ng'anagana miyinzi gyamakono gogo,

Zaburi 28:9

U honnye avandu vovo, na u gasidze miyandu gyigyo: Kandi u ve mwayi wavo, na u va ginge kazozo.

Zaburi 95:7

Kigira a veye Nyasaye wetu, Na kwinye ku veye avandu vekyayo kikye, na magondi gomukono gwigwe. Lero, ni mu va ni mu hulira mwoyo gwigwe,

Kutwula 33:16

Kigira, kalunu ga la manyikana ndi inze nyoye liverererwa imbiri wowo, inze na avandu vovo? Si ga li ku litsia lilyo halala nekwinye, kuduka inze na avandu vovo, kwahulwa ku avandu vosi ava veye mu lirova?

Lwimbu lwa Solomoni 4:1

Henza, ive u veye mulahi, mu yanze wange; henza, ive u veye mulahi; Tsimoni tsitsyo tsi veye kuli tsya makuulu mugongo wobwasasu bubwo. Lisu lilyo li veye kuli kyayo kyetsimbuli, Tsi lolekanga ku luvega lwekigulu kya Gileadi.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 35:2

Ki la lavidza ubulavidzu bunyingi, ki la sangala kuduka litsantsalika nokwimba; ki la hebwa ubukumi bwa Lebanon, ubulahi bwa Karimeli na Sharon: va la lola ubukumi bwa Yahova, ubunene bwa Nyasaye wetu.

Isaya 37:24

Ive u legi Yahova ku vatumwa vovo, nokuvola, Inze nzanegiye igulu kuduka ku isongo yevigulu, nobunyingi bwamagari gange gobulwani, nduki mugati mwa Lebanon; nda tema mitaragwa gyagwo mitambi nemisala gyagwo mitovole; ndingira mugati mugwo hadiguluku ha veye ihale ligali, mulitu gwomulimi gwi gwe gwamanga;

Isaya 40:11

A laya kyayo kikye kuli mwayi, a la gumira avana vamagondi mmukono gwigwe, na a la va ginga ku kiritu kikye, na va nunanga a la vendereridza.

Isaya 49:10

Si va la lola inzala kandi si va la va nobuluhu; kandi uluya kinga liuva si i la va samba: kigira uyu wa va vemrera a la vimirira, na a la va hila himbi visenukiru vyamadzi.

Isaya 65:10

Na Sharon ki la va kego kyevyayo, nelivona lya Akori ha la va hetsing'ombe tsi gona, kigira avandu vange va nyenyi.

Jeremia 49:31

Mu singire, mwanegire ku ihiri i veye mbusosi, i menyanga bugira linyankana, Yahova a vola; i ta veye neviribwa kinga miluguyu, avandu va menyanga veng'ine.

Lisyoma lya Jeremia 1:7

Yerusalemi yidzulitsanga mu madiku gelidambidzwa lilye na ga likenye lilye, yidzulitsanga vindu vivye vyosi vyokuyanzidza vya li ho kutwula ku madiku ga kale: Lwa avandu veve va gwa mu makono gomusigu, na si ha veye nomulala wokumukonya mba, Avasigu va mu lola, va seka kigira liheridzwa lilye.

Lisyoma lya Jeremia 5:21

U ku girunkannye ku ive, O Yahova, na ku la girunkannywa; Wirannye ubuhya ku madiku getu kuli ga matsyambiri.

Ezekieli 36:11

na nda meda ku mwinye avandu nemitugu; navo va la medeka nokwivula, na nda kola ha menywe navandu kuli liva lyenyu lyoku matsvambiri, nokukolera mwinye ubulahi kuvita litanga lyenyu lyoku matsyambiri: na mu la manya inze mbeye Yahova.

Kyavalevi 27:32

Kandi izaka yosi yetsing'ombe na ya magondi, ku vyosi vya vita isi wempimbo, kidieli kilala kyelikumi ki la va kitakatifu ku Yahova.

Amosi 9:11

Ku lidiku yilyo nda singeridza lihema lya Daudi lya gwa, nokuhana hasasuguka halyo; na nda lohidza lisalana lyalyo, na nda lyombaka kuli mmadiku gamatsyambiri;

Obadia 1:19

Navo ku luvega lwa Kusini va la vugula kigulu kya Esau, na vekivala kyekereremo va la vugula Vafilisiti, na va la vugula mulimi gwa Efiraim, nomulimi gwa Samaria; Benjamini a la vugula Gileadi.

Mika 5:4

Na a la singira nokwaya kyayo kikye netsingulu tsya Yahova, nobunene bwelieta lya Yahova Nyasaye wewe: na va la menya; kigira kalunu a la va munene kuduka ku viheri vyelirova.

Zefania 3:13

Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Zekaria 10:10

Kandi nda va leta kutwula mkivala kya Egepeti, nokuvavungidza kutwula mkivala kya Asuria; na nda va vika mu hivala kya Gileadi na Lebanon; nobuiyangu si bu la loleka bwokuvaduka.

Zekaria 11:7

Kuna ngwa ndaya kyayo kyokwiitwa, ligali avang'afu vekyayo. Na ndenyolera tsimpimbo tsiviri; indala nda gi gulika Ubulahi, neyindi nda gi gulika Viboheru; na ndaya kyayo.

Malaki 3:4

Hene yaho kihaanwa kya Yuda na Yerusalemi ki la yanzidza Yahova, kuli mmadiku ga matsyambiri, na kuli mmihiga gya kale.

Livalidza 23:9

Kigira mmu lolera ha mbeye hano ku intongi yolwanda Na ha mbeye hano mu vigulu mmu lola: Henza, va veye avandu ava menyanga veng'ine, Na si va la validzirwa mu tsihiri.

Livalidza 32:1

Kunangwa avana va Rubeni na avana va Gadi va li nemitugu minyinga ligali: na, lwa va lola kivala kya Jazeri na kivala kya Gileadi, henza vi veye vilahi kukonya mitugu;

Livalidza 32:4

kivala kya Yahova ya kuya imbiri welivugana lya Israeli, ki veye kivala kilahi kyemitugu; na avatumekiri vovo va veye nemitugu.

Matayo 2:6

Na ive Bethlehemu, mu kivala kyo Buyuda, Si u li mke ku vanene vo Buyuda Kigira mwami a la twula ku ive, U li va mwayi wa vandu vange Israeli

Yohana 17:16

Si va veye ku vomkivala, kuli inze si mbeye ku vomkivala.

Kwidzulitsa 33:28

Israeli va menyanga bulahi, Kisinukiru kya mazdzi kya Yakobo ki veye kiderwa, Mu kivala kyobuswage newaini ihya; Yee, ligulu lilye li tonyatonyanga lime.