Mika 7:10 - KITABU KITAKATIFU

¹⁰ Hene yaho musigu wange a la lola inkuva yiyi, na a la kunikwa tsisoni uyu wa mbolera, Yahova Nyasaye wowo a veye haliha? Tsimoni tsyange tsi la mu lola; kalunu a la duvagwa kuli ubudohi bwokuli hasi.

Mika 7:10 ပူးပေါင်းရင်းမြစ်များ

2 Samweli 22:43

Ma nda va sia, va duka kuva kuli lugukyi lwekivala, Nda va duvaga kuli ubudohi bwoku inzira, nokuvasalannya yiyi neyiyi.

Zaburi 109:29

Avasigu vange va vikwe lilegwa kuli ingubo, Na vekunike avene netsisoni tsyavo kuli ingubo.

Zaburi 115:2

Kigira ki avetsihiri va nyala kuvola, Nyasaye wavo a veye haliha?

Zaburi 18:42

Hene yaho nda va siya kuva kuli ulugukyi imbiri wembuudza; Nda va ta kyova kuli madohi getsinzira.

Zaburi 35:26

Va leganywe nokuva isoni halala, yavo ava sangalira kivi kyange: Va vikwe tsisoni nelikyaywa, avegingira ku inze.

Zaburi 42:10

Kuli kivavi ki veye mu vigumba vyange, avadambidzi va nye ganga, Lwa va tevanga kazozo, Nyasaye wowo a veye haliha?

Zaburi 42:3

Amaliga gange ga li vyokulia vyange ubudiku na mbasu, Lwa va nteva mbasu bei, Nyasaye wowo a veye haliha?

Zaburi 58:10

Wobulungi a la sangala lwa a lola livanza kisalya: A la singa virenge vivye mmasahi ga vadamano.

Zaburi 79:10

Kigira ki avetsihiri va nyala ku vola, Nyasaye wavo a veye haliha? Livanza kisalya kyamasahi ga avatumekiri vovo ga sundukanga Li manyekana ku avetsihiri mmoni mwetu.

Zaburi 92:12

Wobulungi a la viruka kuli likindu: A la landa kuli mutaragwa ku Lebanon.

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 41:25

Nda vukidza mulala kutwula ha kasikasini, naye u duki; kutwula butuliru bweliuva u duki mulala waniranga lieta lyange: na a la duka ku avameha kuli ku kifongo igulu, kandi kuli umulongi a duvulanga ubudohi.

Jeremia 49:15

Kigira, henza, nkole ive kuva muke ku tsihiri, nokulegwa mu avandu.

Jeremia 51:24

Nda tunga Babuloni na vosi ava venyanga Kalidei, nda va tunga ubudamano bwavo bwosi bwa va kola mu Zioni imbiri wetsimoni tsyenyu, Yahova a vola.

Jeremia 51:51

Kwinye ku veye isoni, kigira ku hulive manyego; mmoni mwetu mu kunikeywi nekihenda I mwoyo: kigira avageni vingiye mu hatakatifu henyumba ya Yahova.

Ezekieli 7:18

Kandi va leboha tsingubo tsyamagunia mu vi kenge vyavo, nelitihidza li la va kunika; netsisoni tsi la va mmoni mwosi, na vyole ku mitwe gyavo gyosi.

Danyeli 3:15

Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Joeli 2:17

Avasalisi, avatumekiri wa Yahova, va lire hagati holusimbu na ubwali, na va vole, U verere avandu vovo, O Yahova, na u ta haana miyandu gyigyo kunyegwa, avetsihiri va duke kwameha kuvo: kigira ki va nyala kuvola hagati hetsihiri, Nyasaye wavo a veye haliha?

Obadia 1:10

Kigira kirage kya uyu amwavo wowo Yakobo ya kolerwa, tsisoni tsi la kukunika, na u la twulidzwa mihiga nemihiga.

Obadia 1:12

Navutswaive u ta henza ku lidiku lyamwavo wowo mu lidiku lyekivi kikye, u ta sangala ku avana va Yuda mu lidiku lyelidividzwa lyavo; kandi u ta vola noluyai mu lidiku lyobusaliri.

Mika 4:11

Kalunu tsihiri tsinyingi va vungi ku ive va volanga, A vikwe ubudamano, tsimoni tsyetu tsi duke kulola aga kwenyanga ku Zioni.

Mika 7:8

U tidzominyira ku inze, O musigu wange: lwa ngwa, nda vuka kandi lwa nzikala mkisundi, Yahova a la va bulavu ku inze.

Zefania 3:15

Yahova u mali kutwulidza likalagirwa lilyo, musigu wowo u tebeywi kyova: Mwami wa Israeli, uyu Yahova, a veye hagati hoho; si u la tia ubudamano kandi mba.

Zekaria 10:5

Na va la va kuli avobunyali, va duvaga vasigu vavo mbudohi bwoku mahasi mbulwani; va la lwana kigira Yahova a veye halala navo; navo ava nina ku tsiparasi va la genya.

Malaki 1:5

Na tsimoni tsyenyu tsi la lola, na mu la vola, Yahova yidzominywe kuvita lwako lwa Israeli.

Malaki 4:3

Na mu la duvaga vadamano; kigira va la va ligoke isi wevirenge venyu mu lidiku lwa nda kola yaga, Yahova wa mahe a vola.

Matayo 27:43

Ya suuvira Nyasaye; a mu honnye, kalunu na a va na a mu yanza: kigira ya vola, Inze mbeye Mwana wa Nyasaye.

Joshua 7:9

Kigira Vakanani na avandu vosi va menya mkivala va la ga hulira na va la ku kumberidza, nokutwulidza lieta lyetu ku lirova: na ive u la kola ki ku lieta lilyo linene?

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.